Qule – iki addım geri, bir addım irəli

Bakı/22.05.21/Turan: Azərbaycanın xarici işlər naziri Ceyhun Bayramov mayın 21-də Beynəlxalq Nizami Gəncəvi Mərkəzinin üzvü, Fransa Parlamentinin konstitusiya hüququ, ümumi seçki hüququ və dövlət idarəçiliyi qaydaları Komissiyasının sədr müavini Natali Qule ilə görüşüb.

XİN-in məlumatında deyilir ki, Bayramov onun iki ölkə arasında inkişafına verdiyi töhfəni yüksək qiymətləndirib.

İkitərəfli qarşılıqlı fəaliyyətin inkişafı sahəsində yarana biləcək maneələrin birgə səylər əsasında aradan qaldırılmasının əhəmiyyətini vurğulayan diplomat bu məsələdə qarşılıqlı səfərlərin əhəmiyyətini qeyd edib.

Bu görüş regionda vəziyyət haqqında məlumat alınması nöqteyi-nəzərdən çox əhəmiyyətlidir, deyə Qule bildirib.

Nazir Bayramovun qiymətləndirməsindəki “böyük töhfə” ifadəsinin mənası aydın deyil.

Orn departamentindən senator Natali Qule adətən Fransanın Türkiyə və Azərbaycanla münasibətlərində dəyişkən mövqe tutub.

2012-ci ilin yanvarında Fransa Senatında soyqırımların, o cümlədən erməni soyqırımının inkar edilməsinin kriminallaşdırılması haqqında qanun layihəsinin qəbul edilməsi ilə bağlı son çıxışlar zamanı radikal partiyadan olan deputat Natali Qule bildirib ki, billin qəbul edilməsinin lehinə səs verəcək. Amma buna qədər o, qanun layihəsinin qəbul edilməsinin əleyhinə olduğunu bildirmişdi. “Ermənilər sadəcə seçkiqabağı kampaniyanın bir hissəsi olmaqdan daha çox şeyə layiqdirlər”, deyə senator bildirib.

Noyabrın 18-də Fransa Senatının rəyasət heyətində bir qrup senator ““Dağlıq Qarabağ Respublikasının” tanınması zərurəti haqqında” 145 saylı qətnamə layihəsini təqdim edib. Sənəd müzakirə edilib və noyabrın 25-də qəbul edilib. Qule qətnamənin tərəfdarları arasında idi. Amma sonradan o, Azərbaycan tərəfinə bildirib ki, onun “əleyhinə” səsi sistemdəki səhvlə əlaqədar nəzərə alınmayıb.

Həmin vaxt qətnamənin qəbul edilməsinin əleyhinə səs verən yeganə senator Senatın Fransa-Türkiyə Dostluq Qrupunun üzvü və Fransa-Azərbaycan dostluq qrupunun sədr müavini Silviya Qua-Şaven olub. O, açıq-aşkar Fransanın bu ölkələrlə əlaqələrinin inkişaf etdirilməsinin tərəfdarı kimi çıxış edir.

İndi Qule ATƏT-in Minsk Qrupunun mənasız olmasından və Fransanın bu qrupda həmsədrlikdən imtina etməsi zərurətindən danışır, bu şəkildə Fransa ilə münasibətlərdə Azərbaycanın çətin vaxtlarında, yumşaq desək, qətiyyyətsizliyinə bəraət qazandırmağa çalışır.

Qulenin yüksək səviyyədə qəbul edilməsini Bakıda onun peşmançılığının və Azərbaycanın üzərindəki buludlar çəkildikdən sonra Azərbaycan-Fransa dost münasibətlərinin ağuşuna qayıtmaq istəyinin nəzərə alınması kimi başa düşmək olar. -0-