Bakı/14.10.19/Turan: Türkiyə prezidenti Rəcəb Tayyip Ərdoğan Bakıda çıxışı zamanı terrorizmə qarşı mübarizədə ikili standartlar siyasətindən imtinaya çağırıb.
Türkiyə liderinin sözlərinə görə, dünyanın heç bir yerində Suriyada olduğu kimi, terrorizmə qarşı mübarizə sahəsində ikili standartlar siyasəti və qərəzlilik yoxdur.
Türkiyənin "Anadolu" agentliyinin məlumatına görə, o, NATO-nu və Avropa İttifaqını Türkiyənin terrorçulara qarşı hərəkətini pisləməsini qınayıb.
Türkiyə lideri diqqəti bəzi ərəb dövlətlərinin mövqeyinə yönəldib.
"Suriyanı Ərəb Dövlətləri Liqasından kənarlaşdıran ərəb dövlətləri "Barış pınarı" əməliyyatı başladıqdan sonra birdən Dəməşqin ƏDL-ə üzvlüyünün bərpasını istəyiblər. Maraqlıdır, bu addımın əsl səbəbi nədir?", - Ərdoğan deyib.
Prezident qeyd edib ki, Ankara Suriya ərazilərində Fərat çayından şərqə doğru əməliyyatlardan imtina etməyəcək və onu məntiqi sonluğa çatdıracaq.
"Barış pınarı" əməliyyatının guya etnik kürdlərə qarşı yönəlməsi, guya İŞİD terrorçuları ilə mübarizəni zəiflətməsi, Suriyanın etnik mənzərəsini dəyişəcəyi və bu ölkədə siyasi nizamlanmaya zərbə vuracağı barədə fikirlər yalan və cəfəngiyyatdır", - Ərdoğan deyib.
O, çıxışını Azərbaycan Xalq Cümhuriyyətinin (AXC: 1918-20-ci illər) banilərindən biri Məhəmməd Əmin Rəsulzadənin sözləri ilə bitirib: "Bir kərə yüksələn bayraq bir daha enməz".06D--
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz