![Rəsul Quliyevin hüquqlarını müdafiə komitəsi beynəlxalq qurumlara müraciət edib](https://turan.az/resized/media/2013/main/022800030209-750-500-resize.webp)
Azərbaycan Açıq Cəmiyyət Partiyasının lideri Rəsul Quliyevin ölkəyə qayıtması vacibdir. Onun qayıdışı Azərbaycanla xarici ölkələrin əməkdaşlığının güclənməsinə, sabitliyin və demokratiyanın inkişafına kömək göstərəcək.
Fevralın 28-də Klassik Xalq Cəbhəsi Partiyasının qərargahında “Eks-spiker Rəsul Quliyevin hüquqlarının müdafiəsi” mövzusunda keçirilən dəyirmi masada səslənən çıxışların başlıca leytmotivi belə olub.
Rəsul Quliyev hazırda hakmiyyətdə olan Yeni Azərbaycan Partiyasının aparıcı şəxslərindən biri olub. Elçibəy hökumətinin “Yeni Azərbaycan” Partiyası iqtidarı ilə əvəzlənməsində mühüm rol oynayıb. 1993-1996-cı illərdə Milli Məclisin sədri olub.
1996-cı ildə parlamentin spikeri vəzifəsindən istefaya göndərilib və siyasi mühacirətə getməyə məcbur olub. Rəsul Quliyev artıq 17 ildir ABŞ-da mühacirətdədir.
Ona qarşı cinayət işi qaldırılıb, barəsində axtarış elan edilib.
R.Quliyev 2005-ci ilin payızında parlament seçkiləri öncəsi Azərbaycana gəlməyə cəhd edib. Azərbaycan hökuməti onun gəlişinin qarşısını alıb, Rəsul Quliyevin təyyarəsi Ukraynaya enməyə məcbur olub. Sonra Ukrayna hökuməti onu Azərbaycana təhvil verməyib və yenidən Amerikaya qayıdıb.
O, 2005-ci ildə təsis edilmiş Açıq Cəmiyyət Partiyasının lideridir.
“Rəsul Quliyevin hüquqları həm vətəndaş, həm də siyasi lider kimi pozulur. Hamı kimi Rəsul Quliyevin də seçib-seçilmək hüquq var. O, ölkəyə gəlib məhkəm qarşısında da cavab verməyə hazırdır”, - deyə sabiq deputat İbrahim İbrahimli bildirib.
Rəsul Quliyevin ölkəyə qayıtması hazıki iqtidarın mənafeyinə uyğun deyil. O, prezidentlik uğrunda mübarizə aparır.
“Rəsul Quliyev 1995-ci ildə parlamentdə çıxışında ölkə üçün ən böyük problemin hazırki iqtidar olduğnu bildirib. Onun qüayıtması iqtidar komandasının parçalanması deməkdir. Onun qayıdışı siyasi sistemdə yeni qüvvənin formalaşması, neft imperyasının sirlərinin açılması deməkdir. Bunlar isə hazırki iqtidara sərf etmir”, Azadlıq Partiyasının sədri Əhməd Oruc deyib.
Çıxışlarda ölkə müxalifətinin birləşərək mövcud rejimə qarşı birgə mübarizə aparmasının vacibliyi önə çəkilib. Müxalifət liderləri şəxsi iddialarını kənara qoyub birləşə bilməsə 2013-cü il seçkilərindən müvəffəqiyyət gözləmək əbəsdir.
“Ayaz Mütəllibov siyasi iddialarını kənara qoydu və Azərbaycana qayıtdı. Köklü siyasi islahatlar və peoblemlərin ümüumilikdə həllinə nail olmaq üçün müxalifət liderlərinin həmrəyliyi lazımdır. Bu gün İsa Qəmbər regionalara buraxılmər, Əli Kərimlinin ölkədən xaricə getməsinə imkan verilmir, Rəsul Quliyevin isə ölkəyə qayıtması mümkün deyil. Problemlərin köklü həlli siyasi liderlərin birləşməsindən keçir”, deyə ADP təmsilçisi Taliyət Əliyev qeyd edib.
Açıq Cəmiyyət Partiyasının sədri Sülhəddin Əkbər Rəsul QÜuliyevin ölkəyə qayıtması üçün moxsaylı siyasi partiyalar, hüquq-müdafiə təşkilatları, ziyalılar və ictimaiyyət nümayəndələrinin onun hüquqlarını ictimai müdafiə komitəsində birləşdiyini deyib.
Onun sözlərinə görə, partiya liderinin ölkəyə qayıtması üüçün müraciətlərlə yanaşı imzatoplama kampaniyası da davam edir. “Ziyalılar Forumu ACP liderinin ölkəyə qayıtmasına dəstək verir, imzatoplama kampaniyası daxilindəı nimlərlə imza toplanıb. Rəsul Quliyevin özü də plkəyə qayıtmaq üçün Amerikada və Avropada görüşlərə başlayır”, o q eyd edib.
S.Əkbər həmçinin ölkədə isyasi lierlər arasında birlik ideyasını dəstəkləyir.
“Nə qədər ki, müxalifət birləşməyib, ölkədə kütləvi ictimaqi-siyasi hərəkat başalamayıb xalqda, hakmiyyət daxilindən və beynəlxalq birlikdən dəstək olmayacaq. Bunlar olmasa ölkədə də dəyişiklik olamayacaq” , deyə o fikrini möhkəmləndirib.
Tədbir iştirakçıları adından BMT-nin İnsan Haqları Komitəsinə, Avropa Birliyinə, ATƏT-ə, Avropa Şurası Parlament Assambleyasına, Avropa İnsan Haqları Ombudsmanına, Azərbaycandakı diplomatic korpuslara müraciət qəbul edilib. Sənədi 40-dan çox ictimai-siyasi təşkilat imzalayıb.
“Azərbaycanda yaranmış ictimai-siyasi və hüquqi böhran dəyərləndirərək hesab edirik ki, xalq arasında böyük nüfuzu olan Rəsul Quliyevin vətənə qayıtması, president seçkilərində iştirak etməsi demokratik seçki mühitinin yaradılmasına, ədalətli seçki yolu ilə legitim hakimiyyətin forrnalaşmasına pozitiv təsir göstərə bilər”, deyə sənəddə vurğulanır. -03C-
Rəy yaz