Açiq mənbələrdən foto.
Bakı/18.02.23/Turan: Fevralın 17-18-də Rusiya sülhməramlı qüvvələrinin iki avtomobil kolonu Ermənistandan Qarabağa humanitar yük gətirib. Bu barədə Rusiya sülhməramlı kontingentinin məlumatında deyilir.
Mənbəyə görə, Xankəndidə "humanitar aksiya keçirilib və bu aksiya çərçivəsində çoxuşaqlı ailələrə, əlil uşaqları olan ailələrə və Böyük Vətən Müharibəsi iştirakçılarına ərzaq məhsulları verilib".
Bununla yanaşı, Ermənistan KİV-ləri Qarabağdan Ermənistana erməni xəstələrin aparıldığını bildiriblər. Onların ümumi sayı 100 nəfəri ötüb.
Laçın yolunda isə Azərbaycan vətəndaş cəmiyyəti fəallarının aksiyası davam edir. Aksiya iştirakçıları və rəsmi Bakı işarə edirlər ki, Qarabağ erməniləri Azərbaycanın bu region üzərində suverenliyini tanıyana qədər beynəlxalq təşkilatların “yolu açmaq" tələbləri yerinə yetirilməyəcək. 02B
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz