Səfir Morninqstarın vəzifə səlahiyyətləri yayın sonunda başa çatır

Amerikanın Azərbaycandakı səfirliyi bəzi KİV-lərdə səfir Riçard Morninqstarın vida mərasiminə qatılması ilə bağlı yayılmış xəbərlərə münasibət bildirib. 

ABŞ-ın Azərbaycandakı səfirliyinin mətbuat xidmətindən verilən məlumata əsasən, səfir Riçard Morninqstarın vəzifə səlahiyyəti bu yayin sonunda başa çatır. “Qaldı ki, ABŞ təhsilli Azərbaycanlı Məzunlar Birliyi tərəfindən cənab səfirin və onun həyat yoldaşı xanım Morninqstarın şərəfinə təşkil olunan tədbirdə cənab səfirin və onun həyat yoldaşının iştirakına, bu, yalnız sabah onların Avropadan qayıdışından sonra məlum olacaq.

Onlar hal-hazirda Avropa ölkələrinin birində məzuniyyətdədirlər. Bu tədbir isə cənab səfir və onun həyat yoldaşının bu təşkilatla sıx əməkdaşlığına görə təşəkkür xarakteri daşıyir”, deyə mətbuat xidməti bildirir. -03D-