"Toplum TV-nin işi" üzrə saxlanılanlar arasında DTİ-nin üç nümayəndəsi var
"Toplum TV-nin işi" üzrə saxlanılanlar arasında DTİ-nin üç nümayəndəsi var
Martın 6-da "Toplum TV-nin işi" üzrə saxlanılanlar arasında Demokratik Təşəbbüslər İnstitutu ilə əlaqəsi olan üç nəfər var: Əli Zeynal, İlkin Əhmədov və Akif Qurbanov.
Qeyd edək ki, "Demokratik Təşəbbüslər İnstitutu" (DTİ) QHT demokratik təşəbbüslər yolu ilə Azərbaycanda açıq cəmiyyətin yaradılmasına yardım məqsədilə 5 noyabr 2013-cü il tarixində bir qrup ictimai fəal tərəfindən təsis edilib. DTİ-yə o vaxtlar hələ "Ümid" partiyasından Mərkəzi Seçki Komitəsinin üzvü olan Akif Qurbanov rəhbərlik edir.
O, MSK-nın 13 oktyabr 2013-cü il tarixində prezident seçkilərinin yekun protokolunu imzalamayan yeganə üzvü idi. Qurbanov öz mövqeyini səsvermə günü ciddi qanun pozuntularının olması və onların araşdırılmaması ilə əsaslandırıb.
Ədliyyə Nazirliyi DTİ-nin dövlət qeydiyyatından dəfələrlə imtina edib. İnstitut Ədliyyə Nazirliyindən məhkəməyə şikayətlər verib, amma şikayətləri nəticəsiz qalıb.
Dövlət qeydiyyatının olmaması təşkilatın fəaliyyətini çətinləşdirirdi, lakin işləmək imkanından məhrum etmirdi.
DTİ 2015-ci ildən etibarən könüllülərlə əməkdaşlıq edərək, seçkilərin monitorinqini aparır (2024-cü ilin prezident seçkiləri istisna olmaqla) və onlara ekspert rəyi verirdi.
Bundan başqa, DTİ maarifləndirmə və hüquq müdafiə layihələri həyata keçirirdi, "Müdafiəçi" Hüquq Mərkəzinin yaradılmasının təşəbbüskarı olub.
Toplum TV ilə əməkdaşlıq çərçivəsində gənc jurnalistlərə təlim proqramları həyata keçirilirdi.
Dünən saxlanılanlar arasında DTİ-nin direktoru Akif Qurbanov da var, o, 2023-cü ilin dekabrından etibarən həm də III Respublika Platformasının təsisçi tərkibinin rəhbəri idi.
Qurbanov, Əhmədov və Zeynalovla yanaşı, Toplum TV-nin jurnalistləri və mətbuat işçiləri - Fərid İsmayılov, Elmir Abbasov, Müşfiq Cabbarov və Ramil Babayev də saxlanılıb.
7 nəfərin hamısı CM-in 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham olunublar, bu maddə 5 ildən 8 ilədək azadlıqdan məhrumetmə cəzası nəzərdə tutur.
Vəkillərin sözlərinə görə, polis DTİ-nin ofisində axtarış zamanı 30 min avro tapıb. Göründüyü qədər, müxalifətçilərin evlərinə və ofislərinə valyuta atılması variantı Azərbaycan hökumətinə qarşı "təxribat" xarakterli fəaliyyət üçün Qərbdən pul vəsaiti alınması ittihamları üçün əsas "sübuta" çevrilir.
-
- Maliyyə
- 7 Mart 2024 13:02
Siyasət
-
Cümə axşamı Birləşmiş Ştatlar sülh sazişi üzrə danışıqları irəli sürmək üçün mayın 10-da Almatıda Azərbaycan və Ermənistan xarici işlər nazirlərini qəbul etmək təklifini alqışlayıb.
-
Mayın 9-da Bakının Xətai Rayon Məhkəməsində “Abzas Media”nın direktoru Ülvi Həsənli, bu nəşrin baş redaktoru Sevinc Vaqifqızı və onlayn Meclis.info platformasının rəhbəri İmran Əliyevin ev dustaqlığına buraxılması barədə vəsatətlərə ayrıca baxılıb. Prosesə Fuad Axundov sədrlik edib.
-
Çərşənbə günü ABŞ bildirib ki, Gürcüstanın hakim partiyasından qaynaqlanan antiqərb ritorikasının güclənməsindən narahatdır.
-
Mayın 9-da Azərbaycan İkinci Dünya Müharibəsində faşizm üzərində qələbənin 79-cu ildönümünü qeyd edir. Bu hadisə münasibətilə Azərbaycan prezidenti İlham Əliyev və birinci xanım Mehriban Əliyeva tarixin bu dönüş fəslində Azərbaycan xalqının göstərdiyi yenilməz fədakarlığı və qəhrəmanlığı yad ediblər.
Rəy yaz