![Vətəndaş cəmiyyəti növbəti dəfə prezident İlham Əliyevi mürtəce düzəlişləri imzalamamağa çağırıb](https://turan.az/resized/media/2014/main/011600065672-750-500-resize.webp)
Vətəndaş cəmiyyəti növbəti dəfə prezident İlham Əliyevi mürtəce düzəlişləri imzalamamağa çağırıb
Azərbaycandakı 60-a yaxın QHT-nin nümayəndələri cümə axşamı dövlət başçısına yeni müraciət ünvanlayaraq qeyri-hokumət təşkilatlarının onsuz da ağır olan iş şəraitini daha da sərtləşdirən və çətinləşdirən son mürtəce düzəlişləri imzalamamağa, bundan əvvəl hakimiyyətlə vətəndaş cəmiyyəti arasında başlanmış dialoqun davam etdirilməsinə çağırıblar. Müraciətdə deyilir: “Dövlət quruculuğunda vətəndaş cəmiyyətinin, eləcə də onun tərkib hissəsi olan qeyri-hökumət təşkilatlarının rolunu başa düşdüyünüzü və dəyərləndirdiyinizi bilirik.
KİV rəhbərlərilə noyabrin 24-dəkı görüşünüz zamanı çıxışınızda müxalifətlə dialoqun zəruri olduğunu dediniz və ictimai qrupların maraqlarının ifadəçiləri kimi bunu alqışlayırıq. Həm də eyni zamanda üçüncü sektorun təmsilçiləri olaraq nəzərə çatdırırıq ki, biz 2012-ci ilin iylunda təşəbbüsçüsü olduğunuz dialoqun davam etdirilməsinə ehtiyac duyuruq.
Prezident Adminstrasiyası iİctimai-siyasi şöbəsinin müdiri Əli Həsənov 2012-ci il iyulun 2-də üçüncü sektorun geniş spektrilə görüş keçirərək qeyri-hökumət təşkilatlarının səmərəliliyini artırılması yollarını müzakirə etdi. Bu görüşün iştirakçıları tərəfindən QHT-lərin qeydiyyata alınmasından hesabatlılığına qədər müxtəlif səpkili 87 təklif səsləndi. Bizə vəd olundu ki, təkliflər təhlil edildikdən və PA onların əsasında qərarlar qəbul etdikdən sonra növbəti görüş elə həmin ilin sentyabrında keçiriləcək.
Təəssüf ki, başlanması uzun müddət gözlənilən dialoq davam etdirilmədi. Əksinə, QHT-lərin fəaliyyətilə bağlı qanunvericilik sahəsində bizim üçün aydın olmayan geriləmələr başladı. Burada söhbət xüsusilə “Hüquqi şəxslərin dövlət qeydiyyatı və dövlət reyestri haqqında”, “Qeyri-hökumət təşkilatları (ictimai birliklər və fondlar) haqqında” qanunlara 2013-cü ilin fevral və dekabrında edilən dəyişikliklərdən gedir. Bu dəyişikliklər “Qeyri-hökumət təşkilatlarına dövlət dəstəyi Konsepsiyasının təsdiq edilməsi haqqında” və “Insan haqlarını müdafiə üzrə Milli Fəaliyyət Planının təsdiq olunması haqqında” 2007-ci il iyulun 27-də imzaladığınız sərəncamlara ziddir. Hər iki normativ sənədin mahiyyətini ictimai həyatın demokratikləşdirilməsi, vacib hökumət qərarlarının qəbul olunmasında ictimai iştirakın gücləndirilməsi, QHT-lərin dəstəklənməsi və təbliği siyasətinin təkmilləşdirilməsi təşkil edir.
Siz tərəfdən məsələnin vacibliyinin anlaşıldığını nəzərə alaraq xahiş edirik ki, dondurulmuş dialoq prosesinin davam etdirilməsinə təşəbbüs göstərəsiniz. Eyni zamanda nəzərinizə çatdırırıq ki, öz istək və gözləntilərini bildirmək üçün qeyri-hökumət təşkilatlarının sizinlə birbaşa görüşə ehtiyacı var”, - müraciətdə bildirilir.-02D-
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz