Milli Məclisin bugünki plenar iclasında traffikinqə qarşı mübarizə üzrə milli əlaqələndirici Vilayət Eyvazov hesabatla çıxış edib. Onun sözlərinə görə, cari ilin 10 ayı ərzində traffikinqlə bağlı 115 cinayət müəyyən olunub.
85 nəfər cinayət məsuliyyətinə cəlb olunub. Məcburi əməyə cəlb etmə üzrə cəmi iki hal müəyyən olunub.
Hesabat dövrü ərzində iki şaxələnmiş cinayətkar qrup və 6 cinayətkar qruplaşma zərərsizləşdirilib. Barəsində beynəlxalq axtarış elan olunanlardan 3 nəfəri saxlanılıb.
Traffikinqlə bağlı cinayətlərə görə 10 nəfər 5 ildən 10 ilədək müddətə həbs edilib. 53 traffikinq qurbanı müəyyən edilib, onlardan 19 nəfəri Türkiyədə, 12-si İranda, ikisi BƏƏ-də, 14-ü RF-də olub, 6 nəfərdən isə ölkə daxilində seksual kölə kimi istifadə olunub.
Qurbanlardan 35 qadın subay, 17-si ailəli, ikisi yetkinlik yaşına çatmamış olub. Qurbanların əksəriyyətinin orta təhsili (35 nəfər), dördünün natamam orta təhsili var idi, dörd nəfərin isə ümumiyyətlə təhsili yox idi.
Eyvazovun sözlərinə görə, hər ay insan alveri qurbanları üçün büdcədən 400 min manat ayrılır. O, həmçinin qeyd edib ki, bu il 35 qurbana 400 manat məbləğində birdəfəlik maddi yardım göstərilib.
Eyvazov qeyd edib ki, son üç ildə insan alverinə qarşı mübarizə sahəsində fəaliyyət göstərən 45 QHT qeydiyyatdan keçib.
Hesabatda qeyd edilib ki, ötən il reydlər nəticəsində qanunsuz işlərə və dilənçiliyə cəlb edilmiş 455 nəfər yetkinlik yaşına çatmayan şəxs aşkarlanıb.
Deputatların uzun müzakirələrindən sonra parlament hesabatı qəbul edib. -04С-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz