Xədicə İsmayılova ifadə verməkdən imtina edib
Martın 14-də “Toplum” TV-nin baş redaktoru Xədicə İsmayılova ifadə vermək üçün getdiyi Bakı Şəhər Polis İdarəsində 3 saata yaxın vaxt keçirib.
Oradan çıxdıqdan sonra jurnalistlərə bildirib ki, onu müstəntiq Əlibala Hacıyev dindirib.
“Dindirmə zamanı prosedur məsələlərlə bağlı mübahisə etdik. Ona görə də hər şey bir qədər uzandı", - İsmayılova bildirib. O deyib ki, ifadə verməkdən imtina edib.
“Çünki Azərbaycan Konstitusiyasının 66-cı maddəsi (heç kim özünə qarşı ifadə verməyə məcbur edilə bilməz) və Cinayət- Prosessual Məcəlləsinin 227-ci maddəsi mənə bu hüququ verir. Sonradan ifadədən əleyhimə istifadə olunmayacağına əmin deyiləm. İstintaq orqanının qərəzliliyini hiss edərək öz konstitusiya hüququmdan istifadə etdim", - İsmayılova deyib.
O qeyd edib ki, təkrar çağırılmasının mümkünlüyü barədə heç nə deməyiblər.
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz