Bakı/20.02.19/Turan: Seçkilərin Monitorinqi və Demokratiyanın Tədrisi Mərkəzi Azərbaycanda yerdəyişmə azadlığı və siyasi motivli səfər qadağaları haqqında qiymətləndirmə sənədi yayıb.
Araşdırma xaricə səfəri qadağan edilmiş 30 şəxsin müşahidəsi əsasında hazırlanıb. Onların arasında 18 jurnalist, 5 siyasi fəal, 4 hüquqşünas və hüquq müdafiəçisi, 2 yazar, 1 vətəndaş cəmiyyəti institutunun rəhbəri var.
Siyahıda jurnalistlər Şahvələd Çobanoğlunun, Xədicə İsmayılovanın, Natiq Cavadlının, hüquqşünaslar İntiqam Əliyevin, Ənnağı Hacıbəylinin, Əsabəli Mustafayevin, siyasətçilər İlqar Məmmədovun, Azər Qasımlının, yazar Rasim Qaracın, Əkrəm Əylislinin və digərlərinin adları var.
Layihənin məqsədi ictimaiyyətin, dövlət orqanlarının, beynəlxalq təşkilatların məqsədyönlü şəkildə tətbiq edilən səfər qadağalarının yaratdığı hüquqi problemlər haqqında məlumatlandırılmasıdır.
Araşdırmanın sonunda tövsiyələr yer alır.
Xüsusən, ölkədən çıxış məhdudiyyəti tətbiq edilən şəxslərin əvvəlcədən məlumatlandırılması, habelə qadağaların qüvvədə olduğu vaxt çərçivələrinin müəyyən edilməsi haqqında qanunvericilik normaları tətbiq edilməsi təklif edilir.
Həmçinin, səfər qadağalarından siyasi təzyiq vasitəsi kimi istifadə etməmək, demokratik cəmiyyətdə məhdudiyyətlər tətbiq etməmək tövsiyə olunur.
Fəallar və jurnalistlər haqqında artıq qüvvədə olan məhdudiyyətləri ləğv etmək təklif olunur.
Bundan başqa, pasport verilməsindən imtinaların əsaslandırılması, AİHM-nin yerdəyişmə azadlığı ilə bağlı qərarlarını icra etmək tövsiyə olunur.
Şərti cəzaya məhkum olunmuş şəxslərin xaricə səfərinə qoyulmuş qadağaların ləğv edilməsi təklif olunur. Məhkəmələr məhdudiyyətləri tətbiq edərkən məntiqli dəlillər təqdim etməlidirlər.
Məhkəmələrin səfərlərin məhdudlaşdırılması ilə bağlı şikayətlərə baxmaqdan imtina etməsi təcrübəsi aradan qaldırılmalıdır.
*Seçkilərin Monitorinqi Mərkəzi 2001-ci ildə yaradılıb. Sonradan, 2008-ci ildə SMDT-yə çevrilib. 2008-ci ilin fevralında hakimiyyət bu təşkilatı dövlət qeydiyyatından məhrum edib. Bununla belə, 2013-cü ilə qədər təşkilat Azərbaycanda bütün seçkilərin monitorinqlərini aparıb.
2013-cü ilin prezident seçkilərindən sonra bu QHT-nin rəhbərliyi həbs edilib - Anar Məmmədli və Bəşir Süleymanlı iqtisadi cinayətlərdə ittiham ediliblər və mühakimə ediliblər. Sonradan onlar azad ediliblər. -06D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz