Azərbaycan XİN-in �qara siyahı�sı nə qədər rasionaldır?
Bakı/21.06.17/Turan: Bir neçə ildir ki, Azərbaycan XİN-in "qara siyahı"sı qüvvədədir. Demək olar ki, Qarabağa və işğal edilmiş digər ərazilərə səfər edənlərin hamısı ora daxil edilib. Həmin şəxslərə Azərbaycana viza verilmir və hər dəfə də bəyan edirlər ki, həmin yerlərə səfər etmək istəyənlər Bakının razılığını almalıdır.
"Razılıq almaq" dedikdə nəyin nəzərdə tutulduğunu söyləmək çətindir, çünki XİN Qarabağa səfər etmək üçün xüsusi vizalar vermir. Ancaq məsələ bundadır ki, hətta XİN belə razılıq verirsə də sonradan bunu "unudur".
Uzun illər Qafqaz regionunda yaşayan və çalışan amerikalı analitikin başına gələnlər bunları söyləməyə əsas verir.
Bir neçə il öncə o, öz həmkarı ilə birlikdə Bakıda xarici işlər nazirinə və Prezident Aparatına müraciət edərək araşdırma məqsədilə Qarabağa səfər etmələrinə izn verilməsini xahiş edib. Onlar öz müraciətlərini rəsmi Bakının tələbilə əsaslandırıblar.
Ancaq cavab gözləmədən çıxıb gediblər. Bir həftədən sonra mətbuat xidmətinin o zamankı rəhbəri amerikalıya telefon edərək bildirib ki, razılıq verilib və onlar Qarabağa gedə bilər. Onların adları "qara siyahı"ya daxil edilməyəcək.
Qarabağda olan əcnəbilər razılıqla bildiriblər ki, onların adları "qara siyahı"da yoxdur.
Ancaq 25 il Bakıya gəlib-gedən həmin amerikalı iki həftə öncə Azərbaycanın Tbilisidəki səfirliyinə viza üçün müraciət edib.
O, anketdə Qarabağa səfər etdiyini göstərib. Amerikalının sözlərinə görə, onun bu etirafı səfirliyin işçilərini şoka salıb. Amerikalı bunun necə baş verdiyini danışıb, öz yazılı müraciətini təqdim edib və güman edib ki, XİN-in kömpüter sistemi vaxtilə ona Qarabağa getməyə icazə verildiyini və bununla bağlı onun yazılı müraciətinin olduğunu təsdiqləyəcək.
Ancaq bu, baş verməyib. Amerikalını sorğu-suala tutublar: kim icazə verib, necə olub, bunu necə təsdiq edə bilər(!).
Amerikalı ad və tarix açıqlamalı olub. Ancaq ona deyiblər ki, bunun doğru olub-olmadığını yoxlamaq üçün bir həftə gözləməlidir.
İki həftə Tbilisidə qalan analitik sonda "qara siyahıya tüpürüb" geri dönüb.
Bu hadisə göstərir ki, Bakıda heç kim narahat olmur ki, adamlar onlara Qarabağa getməyə icazə verilməsi üçün müraciət edəcəklər. Odur ki, "qara siyahı" ilə yanaşı "ağ siyahı" da olmalıdır.
Ancaq görünür, XİN-də bu barədə düşünən yoxdur. Ancaq Elmar Məmmədyarovun icazəsini almadan Qarabağa getməkdən utanmayan Soso Pavliaşvili Bakıda konsert verərkən susurlar. 02B-
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz