Azərbaycanda vətəndaş cəmiyyəti institutlarin hakimiyyət orqanları ilə dialoqunun mümkünlüyü

9-10 fevral 2011 ildə Bakı şəhərində Avropa Birliyi ilə əməkdaşlıq çərçivəsində vətəndaş cəmiyyəti ilə hakimiyyət arasında Dialoq (Structured Dialog on Civil Society and Local Authorities involvement in EC cooperation) mövzusunda regional seminar keçiriləcəkdir. Seminarda Avropa Birliyi nümayəndələri ilə yanaşı Əlcəzair, Belorus, Gürcüstan, İsrail, Moldova, Rusiya, Suriya, Tunis, Liviya, Yəmən də digər ölkələrdən olan nümayəndələrin iştirakı gözlənilir. Avropa Birliyi bizim dövlət və cəmiyyət üçün çox aktual və vacib bir problemi - dövlət və cəmiyyət arasında Dialoq - qaldırır. Çox təəssüflər olsun ki, Azərbaycanda belə bir Dialoq sadəcə yoxdur. 2009-cu ildə Azərbaycan Respublikasında söz və əqidə azadlığı ədalətli məhkəmə, işgəncələrdən müdafiə, azad seçki hüquqları kobud şəkildə pozulmuşdur. 2010-cu ildə ölkə vətəndaşlarının mülkiyyət hüququ açıq şəkildə taptalandı. 2010-cu ildə on minlərlə insanın qanuni əsaslarla mülkiyyətində olan mənzilləri, evləri və torpaq sahələri qanunun kobud şəkildə pozulması nəticəsində onların əllərindən alındı. Bu insanlar May ayında baş vermiş daşqınlar nəticəsində rayonlarda yaşayanlar və Füzuli və Ş.Bədəlbəyli küçələrinin sakinləridir. Bu özbaşınalıq polis zorakılığı ilə müşayiət olundu: polislər qapıları sındırır, qocaları, qadınları və uşaqları mənzillərdən bayıra atmış və qanunsuz olaraq polis bölmələrində saxlamışdır. Sülh və Demokratiya İnstitutu bu məqsədlərə çatmaq üçün aksiyalara başlayır: Birinci - Azərbaycan Respublikası vətəndaşının qüvvədə olan qanunvericiliyə və məhkəmə hakimiyyətinə əsaslanaraq özünün mülkiyyət hüququnu və qanunla müəyyən edilmiş digər hüquqlarını qorumaq mümkünlüyünü göstərmək İkincisi - vətəndaş cəmiyyəti ilə hakimiyyət arasında Dialoqun mümkünlüyünü göstərmək Üçüncüsü -polis orqanları tərəfindən olan zorakılıqdan (o cümlədən fiziki zorakılıqdan ) xilas olmağın mümkünlüyünü göstərmək Bu aksiya çərçivəsində Sülh və Demokratiya İnstitutunun (SDİ) direktoru Leyla Yunusova öz şəxsi nümunəsində göstərir ki, Azərbaycan Respublikası vətəndaşı ona, Azərbaycan Respublikası Konstitusiyasının 13-cü maddəsinin verdiyi mülkiyyət hüququnun pozulmasında icra hakimiyyəti orqanları və məhkəmələrin hansı qanunsuzluqları ilə qarşılaşır. Vəziyyətin təsvir edilməsi 1 iyun - 19 dekabr 2010-cu il tarixlərində Leyla Yunusova və Arif Yunusov "Siyasi motivlərlə təqib olunanlara Hamburq kömək fondunun (Hamburger Stiftung fur politisch Verfolgte) dəvəti ilə Almaniyada olmuşlar. Bu zaman Rabitə və İnformasiya Texnologiyaları Nazirliyinin Yasamal şöbəsi qanunsuz olaraq onların Ş.Bədəlbəyli küçəsi 38, mənzil 2 ünvanındakı iki şəhər telefonu əllərindən alınmışdır. Beləliklə də bu ailəni telefon və internet əlaqəsindən və faksdan məhrum etmişdir. 18 yanvar 2011-ci ildə Leyla Yunusova və Arif Yunusov Rabitə və İnformasiya Texnologiyaları Nazirliyinin Yasamal şöbəsinə qarşı yaşayış yerini əsas götürərək Nəsimi rayon məhkəməsinə iddia vermişlər (vəkil Fuad Ağayevdir). 21 yanvar 2011-ci ildə məlum olmuşdur ki, məhkəmə işi Nəsimi rayon məhkəməsinin hakimi Səyyad Qafarlıya həvalə edilib. SDİ-nin strategiyası və taktikası SDİ Əlavədə göstərilmiş Azərbaycan Respublikasının İcra hakimiyyəti orqanlarının, eyni zamanda beynəlxalq təşkilatların, səfirliklərin və KİV-in elektron adreslərinə mütəmadi olaraq göndərməyi planlaşdırır: - məhkəmə prosesinin gedişi haqqında məlumatları, - İcra hakimiyyəti orqanlarının reaksiyasını,- mülkiyyət hüququ haqqında Azərbaycan Respublikasının qanunlarını və bu qanunların yerinə yetirilmə vəziyyəti,- Leyla və Arif Yunusovların mülkiyyətinə qarşı İcra hakimiyyəti orqanlarının hərəkətləri barədə - Leyla və Arif Yunusovların öz mülkiyyətlərinin qorunması üçün atacaqları hüquqi addımlar və bunun nəticəsi Bütün məlumatlar Azərbaycan, Rus və İngilis dillərində SDİ-nin internet saytına (www: tt-ipd.info) yerləşdiriləcəkdir. Bundan başqa bu məlumatlar mütəmadi olaraq Novoye Vremya (Novoe Vremə) qəzetində çap olunacaq və informasiya Turan agentliyinin saytında veriləcəkdir. Gözlənilən nəticələr İlkin nəticələr barədə - Rabitə və İnformasiya Texnologiyaları Nazirliyinin Yasamal şöbəsinə qarşı Nəsimi rayon məhkəməsində qaldırılmış iddia üzrə cari vəziyyət və bu məktuba Rabitə və İnformasiya Texnologiyaları Nazirliyinin cavabı ilə əlaqədar məlumatlar artıq Avropa Birliyinin 9-10 fevral 2011-ci il tarixdə təşkil edəcəyi seminarda verilə bilər. Eyni zamanda fevral - mart aylarında Azərbaycan Respublikasının aparıcı hüquqşünaslarının, vətəndaş cəmiyyəti institutlarının və Bakı şəhər İcra Hakimiyyəti nümayəndələrinin iştirakı ilə icra hakimiyyətinin hərəkətlərinin Azərbaycan Respublikasının qanunvericiliyinə və hüquq normalarına uyğun olub-olmamasına dair Dialoqun təşkil olunması planlaşdırılır. Bu aksiya çərçivəsində bütün məhkəmə proseslərinin və hakimlərin qəbul etdiyi qərarların Azərbaycan Respublikası qanunvericiliyinə və İnsan Hüquq və Azadlıqlarına dair Avropa Konvensiyasına uyğun olub-olmaması araşdırılacaq. SDİ-nin hüquqşünas ekspertlərinin məhkəmə proseslərinə dair analizləri, ciddi qanun pozuntularına yol vermiş hakimlərin adları SDİ-nin internet saytına qoyulacaq. Bu məlumatlar Novoye Vremya qəzetində çap olunacaq və qəzetin saytında veriləcəkdir. Bundan başqa bütün məlumatlar ingilis və alman dillərinə tərcümə olunaraq Əlavədə göstərilmiş beynəlxalq təşkilatlara göndəriləcəkdir. Bu aksiya çərçivəsində vətəndaş cəmiyyəti ilə hakimiyyət orqanları arasında Dialoqun aparılmasında yaranmış problemlər (nailiyyətlər, uğursuzluqlar), qanuna zidd hərəkətlərə yol vermiş icra və məhkəmə hakimiyyətlərinin nümayəndələri, hüquq-mühafizə orqanlarının əməkdaşları barəsində məlumatlar toplanacaqdır. Hüquqşünaslar tərəfindən baş vermiş qanunsuzluqların sübut edici bazası yaradılacaqdır. Toplanmış foto və video materiallar qanunsuzluqlara yol vermiş və cavabdehlik daşıyan (vəzifə, inzibati və ya cinayət) vəzifəli şəxslərin adları İnternetdə yerləşdiriləcək, beynəlxalq təşkilatların ekspertlərinə və təhqiqatçılarına veriləcəkdir.