Bakı ermənisinin Azərbaycan prezidentinə müraciəti

Hörmətli cənab Prezident!

Ramil Səfərovun işi üzrə qəbul etdiyiniz qərarda sarsılmazlıq, israrlılıq, möhkəmlik və əminlik nümayiş etdirdiyiniz, dünya siyasətçilərinin təzyiqi qarşısında mərd və cəsurca durduğunuz, qətiyyətli və nöqsansız olduğunuz üçün Sizdən mənə Azərbaycanda sığınacaq və mənən və ruhən – MAHİYYƏTCƏ və FİZİKİ CƏHƏTDƏN MÜSƏLMAN (AZƏRBAYCAN...) etiqadını qəbul etmək imkanı verməyinizi xahiş edirəm.

Mən damarlarında sırf Bakılı qanı axan (Qarabağ əsilli) erməniyəm. Amma ermənilər Sizin olduğu kimi, mənim də düşmənimdir.

Hörmətli Prezident!

 Mənim Vətənim Bakıdır. Rusiya mənim üçün yad dövlətdir. (Sığınacaq istəmək üçün əsas olan bütün sənədləri təqdim edirəm (Rusiya hakimiyyəti tərəfindən qanuni hüquq və azadlıqlarımın pozulması faktlarını əks etdirən sənədləri nəzərdə tuturam).

Yerevan erməniləri (təkcə onlar deyil!) mənim düşmənim olduğu halda Ermənistandan necə siyasi sığınacaq istəyə bilərəm?!

Əslində mən mənən və ruhən xalis Azərbaycanlıyam və bəlkə də mən əsl azərbaycanlıdan daha çox azərbaycanlıyam!!!

Siz, Əliyev İlham Heydər oğlu, əsl kişisinizsə, prezidentsinizsə, təkcə mənim deyil, həm də Azərbaycan xalqının maraqlarına uyğun olan bu çox çətin və qeyri-adi qərarı qəbul etməyə mənim qədər cəsarətiniz varsa, məni Ermənistandan və Rusiyadan xilas edin.

 Hörmətlə,

 Yelçiyants Boris, 1952 təvəllüdlü, emal-putinputin20@gmail.com

Rostov na Donu şəhəri.

Redaksiyadan: Bu qeyri-adi müraciət bizə Bakıda doğulub boya-başa çatan, 1990-cı il yanvar hadisələri ərəfəsində şəhəri tərk etmək məcburiyyətində qalan bir insandan daxil olub. O, Bayılda yaşayıb və müxtəlif təşkilatlarda işləyib.

Müraciətin səmimiliyi şübhə doğurmur, redaksiyada müəllifin bütün əlaqə vasitələri var və müraciəti dərc etməzdən əvvəl biz onun mövqeyini dəqiqləşdirmişik və israrlı xahişi ilə bu nəşrə qərar vermişik.

Müraciətin üslubu olduğu kimi saxlanılıb.