Doğum gününüz mübarək! Azərbaycan Respublikasının prezidentinə arzularım

Hörmətli cənab prezident, hörmətli İlham Əliyev!

Sizi ürəkdən təbrik edirəm, əziz dost (mən də sizi öz dostum adlandıra bilərəm, çünki bir müddət əvvəl siz rəsmən “Jurnalistlərin dostu -2013” adını aldınız. Sizə nə arzulayım? Sizə elə bir ölkədə yaşamağı arzu edirəm ki, 

1. orada pullu səhiyyənin keyfiyyətcə yararsız və formaca korrupsiyaya uğramış pulsuz səhiyyəyə hec cür alternativi olmasın;

2. ölkə rəhbərliyində təmsil olunan tanınmış xəstə adamlar müalicə üçün xaricə getməsinlər və bununla da yerli səhiyyənin dəhşətli səviyyədə olduğunu etiraf etməsinlər;

3. məktəblər həqiqətən bilik versinlər, müəllimlər əlavə qazanc barədə düşünməsinlər, çünki bu gün müəllimin maaşı ilə yaşamaq mümkün deyil;

4. ali təhsilə görə pul ödənilsə də, yalnız bilik əldə etmək üçün ödənilsin, qiymət almaq üçün yox;

5. şəhər merini sakinlər seçsinlər və İH başçısının işi yalnız şəhəri fontanlarla bəzəməkdən və parklara mərmər plitələr döşəməkdən ibarət olmasın;

6. tikinti “harada istədim orada da tikdim” formulu üzrə yox, hansısa sanballı plan əsasında aparılsın;

7. özəl mülkiyyət və daşınmaz əmlak müqəddəs sayılsın, guya xeyirxah məqsədlə, məsələn, növbəti nəhəng park layihəsi üçün ərazinin təmizlənməsi məqsədilə insanları mənzillərindən bayıra ataraq onlara cüzi kompensasiya verilməsin;

8. ordu peşəkardır, təhsillilərdən ibarət olsun,  orada xidmət etməkdən qürur duyulsun;

9. polis insanları banditlərdən qorusun, bəzən özündə iki funksiyanı birləşdirməsin;

10. insanlar polislərdən yardım istəsin, polislərdən qorunmaq üçün yardım aramasın;

11. polisdə xidmət etməkdə məqsəd vətəndaşları qorumaq olsun, pul qazanmaq, ümumiyyətlə “atam, day-dayım polisdir” demək üçün yox.

12. “intellektual nəqliyyat sistemi” söz birləşməsində “intellektual” sözü artıq olmasın;

13. yaşayış minimumu və minimal əməkhaqqı onun sahiblərinin müəyyən dərəcədə yaşamasına imkan versin və bu  həcmləri təsdiqləyən məmurlar öncə bunu öz üzərlərində sınaqdan keçirsinlər;

14. pensiya qayğısız qocalığı, stipendiya isə heç bir şey düşünmədən oxumağı təmin etsin.

15. beynəlxalq arenada idman nəticələrini yerli idmançılar qazansınlar, bir anlıq nəticə üçün ölkəyə dəvət edilmiş legionerlər qazanmasınlar;

16. benzinin və ya kommunal xidmətlərin tarifləri artırılarkən məmurlar bunun səbəblərini izah etsinlər, ən azı buna məcbur olduqlaına görə təəssüf hissi keçirsinlər, insanların əsəbləri ilə oynayaraq, xalqın səbrini daşdıraraq cəfəngiyyatlar söyləməsinlər;

17. parlament həqiqətən əhəmiyyət daşısın, deputatların əksəriyyəti gerçəkdən öz seçicilərinin halına yansın, sonuncular birincilərə hörmətıə yanaşsınlar;

18. Kim Çen In şəxsiyyətinə pərəştiş gülüş doğursun, paralelllər aparılmasın;

19. məmur vətəndaşın qulu sayılsın, tərsinə olmasın;

20. bütün qanunlar hamı üçün müqəddəs olsun,  qanunsuzuq ölkədə əsas qanun olmasın;

21. ölkədə yaşamaq yalnız öz vəzifəsinə ömürlük yaxşı gəlir mənbəyi kimi yanaşan yüksək vəzifəli məmurlar üçün yox, bütün vətəndaşlar üçün rahat olsun;

22. ölkənin zəngin adamları real biznesmenlər olsun, rəhbərlik etdikləri bu və ya digər sahədə qazanc əldə etməyə “məhkum olan” çoxsaylı qohumları olan məmurlar yox;

23. yalnız peşəkarlar qiymətləndirilsin, yaltaqlara hamı nifrət etsin;

24. doğulmaq və ölmək indiki kimi baha olmasın və ümumiyyətlə pul tələb olunmasın, çünki dövlət hər şeyin qayğısına qalacaq;

25. “Asan Xidmət”in gördüyü işlər yadelli xidmət kimi yox, adi işlər kimi təqdim edilsin;

26. zavod, fabrik, park və əyləncəli mərkəzlərin, hətta yeraltı keçidlərin açılışı adəti üzrə tikintidən dərhal sonra baş versi və ən əsası bu cür addımları xırda işlər hesab edən prezidentin iştirakı olmadan açılsın;

27. ədalət axtaran insanlar dinə üz tutmasınlar və  açıq şəkildə şəriətə çağırışlar etməsinlər,  belələri heç zaman olmadığı qədər çoxdur;

28. söz azadlığı real olsun,  müzakirə edilməsin;

29. KİV yalnız bazarın qanunlarına uyğun fəaliyyət göstərsin, biznesmenlər öz reklamının yerləşdirilməsi üçün platforma seçimi zamanı həmin resursun hakimiyyəti tənqid edib-etmədiyini düşünməsin, bilməyərəkdən səhv  etməkdən və bu səhvə görə öz biznesindən məhrum olmaqdan qorxmasınlar;

30. jurnalistlər mənzillərini öz ağılları ilə əldə etsinlər,  bədənlərinin başqa hissələri ilə yox;

31. prezidetdən müsahibə almaq və ya heç olmasa şərh almaq çox asan olsun, məsələn, heç olmasa Estoniya prezidenti ilə olduğu kimi;

32. yaltaqlıq ayıb sayılsın, bir cibində duru sabun, o biri cibində təsərrüfat sabunu olan adamlar  kişi sayılmasın;

33. “şərəf”, “vicdan”, “kişi sözü”, “ədalət” anlamları  söz və hərf yığnağı olmasın;

34. “hər şeydə sadəlik” anlamı mentalitetin tərkib hissəsi olsun;

35. vicdanla yaşayan adamlar əcaib adamlar kimi tanınmasınlar;

36. bu cür təbrikin müəllifinin qohumları və dostları bu təbrikin dərcindən sonra “sən xəstəsən, alə? axı sənin ailən var...” deyib telefonu qapatmasınlar. 

Düzünü deyim ki, heç vecimə də deyil, əgər kimsə deyəcək ki, dünyanın heç bir yerində belə şey  yoxdur. Deyirlər ki, dostuna elə şeylər arzula ki onu özünə də  arzulaya biləsən. Mən də sizə belə ölkədə yaşamağı arzu edirəm. Çünki özum də belə ölkədə yaşamağı çox istəyirəm. Ama bilmirəm, qismət olacaqmı?

Doğum gününüz mübarək!