Dostlar!

Dostlar! Ölkənin aparıcı müxalifət partiyasının sədr müavini, Milli Şuranın Koordinasiya Mərkəzinin üzvü Gözəl Bayramlı 050 393 34 68 nömrəsindən edilən telefon zəngi ilə ötən həftənin cümə günü ölümlə təhdid edilib. Şübhəsiz ki, nömrənin açıq qalması sırf texniki səhvdən irəli gəlib. Bu günə qədər nömrə sahibinin saxlanması barədə hansısa tədbirin görülməsi barədə bir məlumat yoxdur. Yəqin, anonim zəng olmuş olsayda ən azından görüntü xətrinə bəzi istintaq hərəkətləri edərdilər. Amma nömrə bəlli olduğu üçün polis orqanları çıxılmaz vəziyyətdə qalıb. Heç kəsə sirr deyil ki, bu ölüm təhdidli zəng Gözəl xanımın ötən günlər “Bandotdelə” çağırılmasının bilavasitə davamıdır. “Bandotdeldə” nə tələb etmişdilər Gözəl xanımdan? Taleh Bağırovu, Fuad Qəhrəmanlını müdafiə etmə, Nardaran işə qarışma. Əlbəttə ki, Gözəl xanım bu tələbi yerinə yetirmədi. Ardınca bəlli nömrədən ölüm zəngi çalındı. Hadisə ötən cümə günü baş versə də, elə həmin gün polis orqanlarına məlumat verilsə də ancaq hüquq mühafizə orqanlarından bir xəbər yoxdur. Görən bəlli bir nömrənin sahibini tapmaq nə çətin işdir? Əgər polis telefon şəbəkəsi, hər bir rəqəmi bəlli olan nömrə sahibini tapmaqda və açıqlamaqda maraqlı deyilsə, onda haqlı suallar meydana çıxır.

Cəmil Həsənli