Əhsən Nuruzadənin ogurlanmasına DİN niyə aydınlıq gətirmir?

 Tanınmış videoblogger Mehman Huseynov ogurlanıb işgəncələrə məruz qalanda hakimiyyət orqanları bu hadisənin ciddi- cəhdlə adam ogurluğu olmadığını sübut etməyə çalışırdlar. Üstündən 2 həftə keçməmiş daha bir adam ogurluğu cinayəti baş verdi. Hacı Tale Bağırzadənin yaxın tərəfdarlarından olan, Müsəlman Birliyi Hərəkatının üzvü, ictimai fəal Əhsən Nuruzadə 24 yanvar saat 16 radələrində müəmmalı şəkildə yoxa çıxdı, ogurlandı.

Əhsən bəyin ogurlanmasından 1 həftə keçir. Təsəvvür edirsinizmi bir ölkənin vətəndaş ogurlanır və ya itkin düşür dövlət susur. Aidiyyatı qurumlar onlara edilən çox saylı müraciətlərə baxmayaraq bir kəlmə olsun belə açıqlama vermirlər. Addım atmırlar… Maraqlıdır, niyə ogurlanma hadisəsinə DİN aydınlıq gətirmir, susur?

Halbuki, Əhsən Nuruzadənin başına gətirilənləri aşkara çıxarmaq güc skturturlarının əlində çox asan məsələdir. Çünki:

1. İlahiyyətçinin ogurlandığı və ya yoxa çıxdığı yerdə videokameralar var. İndiyə qədər həmin kameralara baxış keçirilməyib;

2. Ötən bir həftənin ilk 4 günü ərzində Əhsən bəyin telefonuna və vatçapına zəng çatıb. Dünən axşam da onun vatçap nömrəsi onlayn açıq olub. Yəni telefonun email kodu ilə onun yerini təsbit etmək mümkündür.

3. Əhsən Nuruzadənin itkin düşməsi və ogurlanmasına dair indiyə qədər hər hansı bir axtarış, araşdırma, tədqiqat və s. hərəkətlər aparılmayıb, şahidlərdən və yaxınlarından izahat alınmayıb və s.

Bütün bunlar isə onun vəkili Yalçın İmanovun dediyi kimi Əhsən Nuruzadə Tale Bağırzadə və digər dindarların məhkəməsində aktiv iştirak və onları müdafiə etdiyinə görə etirafedici ifadələrin alınmasına görə ogurlana bilər (https://www.azadliq.info/175844.html). İndiyə qədər onun tapılması ilə bağlı aidiyyatı qurumlar tərəfindən ciddi addımların atılmaması olayın arxasında hüquq mühafizə orqanlarının dayanmasına və ya onun tapılmamasında onların bilərəkdən seyriçi mövqe tutulmasına dair deyilən fikirləri gücləndirir. Ə. Nuruzadənin anası Zeynəb Hüseynova da oğlunun polislərin əlində olduğunu düşünür. Güman edir ki, övladını həbsdə olan ilahiyyatçı Taleh Bağırovun məhkəmələrində iştirak etdiyinə görə cəzalandırırlar (http://www.criminal.az/cemiyyet-5/ana-oglunu-bir-heftedir-tapa-bilmir-nene-dua-eleye-eleye-gelirem-ki-16434).

Əhsən Nuruzadə hardadır?

Bu gün sosial şəbəkələrdə yayılan məlumatlarda isə Əhsən Nuruzadənin "bandotdel" tərəfindən ogurlandığı və orda agır işgəncələrə məruz qalarkən komaya düşdüyünə, buna görə də aidiyyatı qurumların susdugu barədə məlumatlar yayılıb. Məlumat yayıldıqdan sonra Nərimanov rayon 18- ci polis bölməsinin əməkdaşları ilahiyyətçinin evinə gedib onun mənzilinə baxış keçirib ailə üzvləri söhbət etsələr də ümidverici bir söz deməyiblər.

Haşiyə. 24 yanvar, günün ikinci yarısı ogurlanan və ya itkin düşən Əhsən Nuruzadə həmin olaydan bir neçə gün öncə Ağır Cinayətlər Məhkəməsinin önündə verdiyi müsahibədə DİN Baş Mütəşəkkil Cinayətkarlıqla Mübarizə İdarəsi tərəfindən izləndiyini bildirir, həmin idarəni "qara kabus" deyə sərt tənqid edir. O müsahibəsində heç nədən qorxmadıqlarını, həbsdə olan qardaşlarını sona qədər müdafiə edəcəklərini söyləyir.

Daha vacib bir məqam. Əhsən Nuruzadə ogurlanmamışdan yarım saat öncə mənimlə əlaqə saxlayıb. Olaydan bir gün öncə isə görüşümüzdə özünün və MBH- nın üzvü Seyyid Abdul Xaliq Cəfərinin polis tərəfindən izləndiyini bildirib.

Əhsən bəyi tanıyan birisi olaraq qeyd edim ki, o çox mədəni, sakit təbiətli, imanlı və inanclı bir şəxsdir. Ona qarşı olanların şəxsi zəmində deyil, onun ictimai fəaliyyəti ilə bağlı oldugu düşüncəsindəyəm. Hesab edirəm dövlət qurumları, xüususən bu olayda daha çox adı keçən DİN Baş Mütəşəkkil Cinayətkarlıqla Mübarizə İdarəsi öz sözünü deməli, məsələyə aydınlıq gətirməlidir.

Əhsən Nuruzadənin ogurlanması ilə bağlı bir çox aidiyyatı şəxslərə və qurumlara müraciət etmişik. Onun tapılması ilə bağlı səylərimizi davam etdiririk. 

Gəlin unutmayaq ki, Əhsən bəyin başına gələnlər və ya gətirilənlər sabah hər bir vətəndaşın  başına gələ bilər və bilir. Bu hadisə millət, dövlət adına çox utancverici hadisədir. Onun tapılması, sağ- salamat həyata qayıtması, taleyinə aydınlıq gətirilməsi üçün səylərimizi artırmaq,  əlimizdən gələni əsirgəməməliyik.

Əhsən Nuruzadə facebook- da yazdığı son statusunda deyir; 

“Haqq yolunda addımlayanlar, heç vaxt bədbin olmayın...

Bu yol elə müqəddəs yoldur ki bu yolda ölsən belə, tutulsan belə qalibiyyətdir”

Qəzan mübarək, Əhsən bəy!