- Söz istəyirəm
- 27 Sentyabr 2012, 12:10
- 101
General Volf və Gülər Əhmədova
Azərbaycan növbəti dəfə uğuldayır, qaynayır, hiddətlənir. Və bütün bunların hamısı deputat və eyni zamanda korrupsiyaya qarşı mübarizə aparan Gülər Əhmədovanın deputat olmaq istəyən digər şəxsdən milyon manat tələb etməsini göstərən videoçarxa görədir.
Bu günlərdə nə qədər tənə, qəzəb və digər emosiyaları eşitməli olduq. Amma yazığımız da gəlməlidir. Ona yox, hakimiyyətə. Son vaxtlar nədənsə bəxti gətirmir. İşlər düz gəlmir. Ya da ki maqnit dalğaları öz təsirini göstərir. Düzgün, ziyalı, büllur kimi saf adam təqdim etdikləri Mikayıl Cabbarovla bağlı qalmaqalı yenicə yatırmışdılar. Həmin bu Mikayılov da vəd eləmişdi ki, onu təhqir etdiyinə görə türkü məhkəməyə verəcək. Ancaq heç kimi məhkəməyə verməyib, problem Azərbaycansayağı “mən ölüm-sən öləsən” yolu ilə həll olunub. Heç türklər də inad etməyiblər, nə qədər olmasa qardaşıq axı. Hakimiyyət rahat nəfəs aldı. Hətta Səfərovun hesabına xal da qazandı. Prezident nəinki onu əfv etdi, həm də Çak Norris stilində dünyanı hədələdi. Baxın, heç kimdən qorxmuram. Avropalı deputatlar nəsə yazmağa başlayanda, hansısa qətnamədən danışanda isə öz ətrafına göstəriş verdi ki, məsələni həll etsinlər. Və onlardan ən intellektualı Siyavuş Novruzov iki müxalifət liderinə müraciət etdi ki, kömək edin, bizi yuyub sərdilər. Onlar da kömək etdilər. Bütün hallarda bura Rusiya deyil, Azərbaycandır, bizim öz mentalitetimiz var. Ancaq hakimiyyətin və müxalifətin ümumi bayramı zamanı deputat Gülər Əhmədova işləri korladı. Onun özünü ortaya atması qorxulu deyil, eyni zamanda primitiv korrupsioner kimi hakimiyyəti və mafiozları ortaya qoydu.
Axı, G.Əhmədovadan kim xahiş edib ki, sanki 8 km. bazarındaymış kimi ticarət yapsın? Və ən əsası deputat yerinin 1 milyon olduğunu söyləsin? Bu plankanı bu cür aşağı salmaq nəyə lazım idi? Azərbaycan büdcəsi bizim istənilən nazirin büdcəsindən az olan Ermənistan deyil ki? Həm də plankanı bir neçə dəfə aşağı salıb. Axı, prezident hər gün bildirir ki, ölkəmizin iqtisadiyyatı möhkəmlənir, pul o qədər çoxdur ki, serblərə yol çəkməkdə yardım edərik, Luvr üçün fransızlara iki milyon atarıq. Amma bu cür ölkə üçün deputat kreslosuna görə cəmi bir milyon! Bu məbləğə bizdə yalnız hansısa qəsəbənin deputatı olmaq olar, həm də paytaxtdan uzaq bir yerdə. Amma burda söhbət ölkə parlamentindən gedir. Axı, bizim ölkədə müstəqil ekspertlərin dedikləri kimi onlarla milyarder və 5 min milyonçu var. Parlamentdə isə cəmi 125 yer var. Burda qiymətlər elədir ki.. Bəs necə olub ki, o, bu cür biabırçı rəqəm söyləyə bilib?
Hakimiyyətin yalnız bir çıxış yolu var: Gülər Əhmədovanı və onun iştirakı ilə videoçarxı bizim müxalifət arasında çirkin niyyətlərin, həm də terrorçuların aşkar olunması üzrə xüsusi xidmət orqanlarının planlaşdırılmış əməliyyatı kimi təqdim etmək. Erməni terrorçuları da ola bilər. Bəd ayaqda islamçı da. Və Gülər Əhmədovanı cəzalandırmaq yox, “Şöhrət” ordeni ilə təltif etmək lazımdır. Yox, ən yaxşısı ona Milli Qəhrəman adı verilsin, çünki o, son dərəcə risk edib. “Baharın 17 anı” filmindən də məlumdur ki, general Volf əslində danışıqlar aparmırdı, reyxin düşmənlərini ifşa eləməklə məşğul idi.
Arif Yunusov
-
- İqtisadiyyat
- 27 Sentyabr 2012 11:27
-
- Cəmiyyət
- 27 Sentyabr 2012 12:22
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz