- Söz istəyirəm
- 16 Fevral 2017, 12:21
- 96
Gülrux xanım Əlibəylinin xatirəsinə
Əzizim Gülrux xanım! Mən belə müraciəti təsadüfən seçməmişəm, zira sizə olan ehtiram və minnətdarlıq sözlərini sizin özünüzün eşitməyinizi çox istərdim. Nəcib qızınız Leylanın sayəsində baş tutmuş tanışlığımızın ilk günlərindən mən sizin sehrinizin məftunuyam. Mən sizin bitib-tükənmək bilməyən söhbətləriniz zamanı ucu-bucağı görünməyən mədəniyyət, ədəbiyyat və incəsənət dünyasına varırdım. Sizin dünya və Azərbaycan ədəbiyyatı və mədəniyyəti sahəsindəki dərin biliyiniz həmsöhbətlərinizi biganə qoya bilmirdi. Yeri gəlmışkən, on il bundan əvvəl söhbətlərimizdən birində siz İosif Brodskinin biganəlikdən gileyləndiyi bir essesinin sizdə doğurduğu təəssüratla bölüşdünüz və qeyd etdiniz ki, biganəlik barədə ən sərrast fikri Bruno Yasenski özünün “Biganələrin sui-qəsdi”ndə ifadə etmişdir: “Biganələrdən həzər, zira dünyadakı bütün rəzil cinayətlər məhz onların lal-dinməz razılığı ilə törənir”.
Siz heç zaman ədalətsizliyə, insanların fərqli fikirlərinə görə təqib edilməsinə biganə qala bilməmişdiniz.
Sizi tanıyanlar sizin xaruqəladə həyat eşqinizə heyran qalmaya blmirdilər. Mən özüm sizin qədər böylə həyata vurğun, nikbinlik saçan, şadlıq səpən və xoş əhval-ruhiyyə yaradan ikinci insana rast gəlməmişəm.
Sizinlə ünsiyyət mənim üçün də, bir çox ümumi tanışlarımız üçün də zərurətə çevrilmişdi. Biz sizdən mədəniyyət, ədəbiyyat və nikbin həyat enerjisi dağarı kimi bəhrələnirdik. Sizin səmimiyyətiniz və uşaqlıq həddinə çatan sadəlıyiniz hamını – idealist romantikləri də, daşlaşmış kinikləri də tərki-silah edirdi.
Yaxşı yadımdadır, sizin sevimli qızınız və bizim məhbub rəfiqəmiz Leyla təvazökar və xudmani Bakı bağınızda bizim Qarabağ İctimai Şurasının iclasını təşkil etmişdi. İclas həqiqi bir bağ qonaqlığına çevrilmişdı və süfrədən sonra yuyulmağa böyük bir qab-qacaq qalağı yığılmışdı. Mən dedim ki, yumağa hazıram. Mənim bu canfəşanlığım sizi əyləndirdi, gülə-gülə dediniz ki, “Baxın, beynəlxalq sülh mükafatçısı təvazökarlıqla mətbəxdə qab yuyur. Məndə belə bir təsəvvür yarandı ki, qızıl balıq mənə qulluq göstərir...”
Biz sizin xudmani və qonaqpərvər bağınızda dəfələrlə yığılmışıq və hər dəfə də belə bir sual yerinə düşürdü: “Bu təvazökar bağın sahibi həqiqətənmi mədəniyyət nazirinin müavini olmuşdur”?
Əlbəttə ki, bizim təsəvvürümüzdə dərhal indiki nazirlərin, onalrın müavinlərinin və sair nə ərbab, nə də məşhur alim olan vəzifəli məmurların möhtəşəm tikililəri canlanırdı.
Mən sizin kitablarınızı, düşüncə və mülahizələrinizi sevirəm. İnsanlar sizin tükənməz və maraqlı əhvalatlar və sərrast fikirlərlə zəngin mühazirələrinizi heyranlıqla dinləyirdi. Siz isə bir çox tarixi hadisələrin canlı şahidi kimi, Azərbaycan, çoxmillətli sovet və dünya ədəbiyyatının bilicisi kimi biliklərinizi səxavətlə paylaşırdınız.
Siz adi insan təbiətinə rəğmən daha çox verən, nəinki alan insanlardan idiniz və bunu öz həyat amalınıza çevirmişdiniz: insanlara bilik, məhəbbət, nikbinlik bəxş edən bir insan. Sizin bir dəfə mənə sadəlövhlüyümə və hamıya inandığıma görə məhəbbətlə tutduğunuz kiçik bir iradı xatırlayaraq sevimli şairim Mirzə Şəfi Vazehin bir rübaisini sizinlə bölüşmək istərdim:
"Başqasının barəsində pis söz eşitsən,
Onu yayma heç bir zaman, möhkəm saxla sən.
Asandırsa başqasının evini yıxmaq,
Çox çətindir amma daşı daş üstə yığmaq".
Əziz və sevgili Gülrux xanım, siz bizim nisgilli qəlblərimizdə həmişə yaşayacaqsınız.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz