![İsmətli kəndindən olkə başçısına müraciət](https://turan.az/resized/media/2019/main/081900021088-750-500-resize.webp)
- Söz istəyirəm
- 19 Avqust 2019, 10:31
- 127
İsmətli kəndindən olkə başçısına müraciət
Cənab Prezident
06.07.2019-ci ildən başlayaraq 34 gün ərzində prezident administrasiyasında qəbul edilən, ancaq bizə məlum olmayan səbəblərdən gizlədilən yeddinci müraciətimi edərək sizə bildirmək istəyirəm ki;
Dörd mindən artıq əhalisi olan Biləsuvar rayonu İsmətli kəndində vətəndaşların pambıq sahələri və həyətyanı sahələri susuzluqdan məhv olur. Biləsuvarda su minlərlə, yüzlərlə hektar əkin sahələri olan məmurlara paylanılır və qonşu rayonlara satılır. Biləsuvar rayonunda suyun əhali arasında paylanması haqqında rayon idarə təşkilatı heç bir məlumat vermir və bizə müəyyən qaynaqlardan verilən məlumatlara əsasən bildiririk ki, su müəyyən məmurlar arasında bölüşdürülür. Biz vətəndaşlar isə pambıq sahələrimizi suvara bilmirik. Cənub Muğan kanalından əhalinin öz hesabına çəkilən yeni kanalın kənd ərazsinə çatması üçün lazım olan 25 metrlik iri diametrli dəmir boruya ehtiyac vardır. Lakin, dəfələrlə müraciət etməyimizə baxmayaraq Biləsuvarda aidiyyatı qurumlar şikayətlərimizə məhəl qoymur. Sizin televiziyalardan əhaliyə müraciətinizi nəzərə alaraq birbaşa sizə müraciət etməyi uyğun bildik. Biləsuvar Meliorasiya və Su Təsərrüfatı ASC əhalinin şikayətlərini nəzərə almır və vətəndaşlar arasında narazıçılığa səbəb olur.
Biz Biləsuvarlılar olaraq daima sizin arxanızdayıq və dövlətimizin yanındayıq. Sizdən bu problemlə bağlı bizə kömək etməyinizi xahiş edirik.
Hörmətlə İxtiyar Ağayev, Babayev Sübhan, Abbasov Bəyzada və başqaları.
Biləsuvar rayonu, İsmətli kəndi.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz