Maqsud Mirzəyevin sözardısı

Maqsud Mirzəyev:

İlk növbədə, mən bu prosesə maraq göstərən mətbuata səmimi təşəkkürümü bildirmək istəyirəm.

Bizim ailədə baş verən faciə ilə əlaqədar bizə dəstək olan və ürək-dirək verən, habelə sosial şəbəkələrdə müzakirələrə qatılan insanların hər birini təşəkkür edirəm. Bu proses və ictimaiyyətin ona diqqəti bir daha bu müzakirələrin məqsədinin ayrı-ayrı fərdlərə dair fikir söyləmək deyil, əksinə təqsirkar şəxslərin yalnız sosial statusu və əhalinin müəyyən zümrəsinə mənsubluğuna arxalanan məhkəmə orqanlarının qeyri-obyektivliyinə cavab olaraq cəmiyyətin narazılığının rəmzidir. Proses Azərbaycan Respublikasının Konstitusiyasında təsbit olunan və qanun və məhkəmə qarşısında hamının bərabərliyini bəyan edən prinsipi bütövlüklə pozmuşdur.

Mən Azərbaycan vətəndaşıyam və bununla fəxr edirəm. Mən həmişə ölkəmizin vətənpərvər və qanuna tabe olan vətəndaşı olmuşam və bu dəyişməz olaraq qalacaq. Ona görə də mən qanuna və onun qarantı olan, mənim Prezidentim cənab İlham Əliyevə inanıram.

İstintaq müddətində və tədbirlərində, habelə məhkəmə orqanlarına təqdim olunan istintaq materiallarının hazırlanmasında nümayiş etdirilən obyektiv münasibətə görə bütün müvafiq qurumlara təşəkkür edirəm.

Mənim zərərçəkmiş olmağımdan və ya İlham Əsgərli və Əhliman Süleymanovun kim olmasından asılı olmayaraq – tərəfimdən hər-hansı qərəz olmadan qeyd etmək istəyirəm ki, QANUNLAR var və biz, Azərbaycan vətəndaşları ona tabe oluruq.

Keçirilən ekspertizalar əsasında aparılan istintaq tədbirləri istər daha ağır maddə ilə (263-1.3) ittiham olunan İlham Əsgərli və daha az ağır maddə ilə (263.2) ittiham olunan Əhliman Süleymanov da daxil olmaqla, qanun qarşısında bütün tərəflərin məsuliyyətini sübüt etmişdir.

Sosial şəbəkələrdə aparılan müzakirə müəlliflərinə bir daha təşəkkür edərək, tərəfimdən hər hansı qərəzin olmamasına dair hər bir şəxsi əmin etmək istəyirəm. Mən QANUNU hər bir şeydən üstün görürəm, ona və onun cəmiyyətin imtiyazlı və ya imtiyazsız qruplarına qarşı ədalətli yanaşmasına inanıram. Hörmətli Prezidentimiz cənab İlham Əliyev öz çıxışlarında dəfələrlə bu haqda fikirlərini bildirib. Mənim yerimdə olan hər bir ata mənim etdiyimi edərdi.

Qeyd etməliyəm ki, aparılan bütün istintaq tədbirləri ittiham olunan hər iki şəxsin təqsir dərəcəsini bir mənalı olaraq sübüt etmişdir.

Cənab Prezident öz çıxışlarında dəfələrlə və ədalətli olaraq məmur uşaqlarının yollarda etdiyi özbaşına və nəlayiq hərəkətlərinin qəbul olunmaz olduğunu, habelə onların digər sıravi vətəndaşlar kimi qanun qarşısında məsuliyyətini qeyd etmişdir.

Bununla belə, məhkəmə tərəfindən cənab Prezidentin tapşırıq və sərəncamlarının ruhuna təmamilə əks münasibət yalnız məni, yəni sürücülük vəsiqəsi və maşını idarə etmə səriştəsi olmayan 16 yaşlı AVTOŞun sükan arxasına oturub, sürəti saatda 200 km (ekspertiza rəyi ilə təsdiq olunub) qədər artırması nəticəsində baş verən özbaşına və cəzasız hərəkəti nəticəsində oğlunu itirən atanı deyil, həm də bütün cəmiyyətimizi ciddi şəkildə narahat edir.  Sözü gedən proses bunu bariz şəkildə nümayiş etdirdi.

Ağır cinayət törətmiş İlham Əsgərliyə münasibətdə Cinayət Məcəlləsinin 62-ci maddəsinin tətbiq olunmaında Bakı Appelyasiya Məhkəməsi tərəfindən hansı prinsiplərin rəhbər tutulması təmamilə aydın deyil.

Bir tərəfdən, İlham Əsgərliyə qarşı daha ciddi cəza nəzərdə tutan daha ağır maddə və nəticəsində Bakı şəhər Nəsimi rayon İcra Başçısı Asif Əsgərovun oğlunun azadlığa çıxmasının şahidi oluruq. Digər tərəfdən isə, geniş qohum əlaqələri olmayan, yük maşınının sadə sürücüsü Əhliman Süleymanova qarşı daha az ciddi maddə ilə maksimal cəza təyin olunmasını və onun azadlıqdan 6 il müddətinə məhrum edilməsini görürük. Xəstəliyi və himayəsində iki uşağın olmasına baxmayaraq Əhliman Süleymanova münasibət qanun qarşısında bərabərlik prinsipinin pozulmasını bir daha təsdiq etmiş olur.  

Cəfəngiyat

Həmçinin onu da qeyd etmək istəyirəm ki, ittiham olunan yeniyetmə İlham Əsgərlinin qanuni nümayəndəsi olan atası Asif Əsgərov və yaxud anası İlhamə Əsgərova oğullarının taleyinə dair keçirilən heç bir məhkəmə iclaslarında iştirak etməmişdirlər.

Onların ictimaiyyət qarşısında və ən azından formal olaraq üzrxaqlıq etmək üçün məhkəməyə gəlməmələri məhkəmə qərarlarının məhkəmə otağından kənarda, əvvəlcədən razılaşdırılması barəsində söylədiyimiz fikirləri bir daha təsdiqləmiş olur.

Belə çıxır ki, ölümlə nəticələnən ağır cinayət törədib, qanunda nəzərdə tutulmayan yumşaq cəza almaq mümkündür.

12.11.2015-ci tarixində iştirakımız olmadan Sabunçu rayon məhkəməsinin İlham Əsgərlini cəzadan tam azad etməyə dair çıxardığı qərardan qəti narazılığımız səbəbindən verdiyimiz şikayətə hakim Gülzar Rzayevanın sədrliyi ilə Ali Məhkəmənin 31 may tarixli iclasında baxılacaq. Hazırki vəziyyətdə, məhkəmə orqanlarının obyektivliyinə inamın az olduğu vaxtda, 31 may tarixində çıxarılacaq qərara şübhə etməmək olar. Məsələ ondan ibarətdir ki, Bakı Ağır Cinayətlər Məhkəməsi tərəfindən İlham Əsgərliyə 5,6 il və Əhliman Süleymanova isə 6 il azadlıqdan məhrum etmə kimi ən minimal cəzanın verilməsindən sonra, ailəmizin üçün bunun ağırlı olmasına baxmayaraq, mən apelyasiya şikayəti verməmək qərarında gəldim. Asif Əsgərovun da qərardan razı qalmasına və apelyasiya şikayəti verməyəcəyinə dair İlham Əsgərovun vəkilləri tərəfindən mətbuatda dəfələrlə məlumat yayılmışdır. Lakin, sonradan hakim Vagif Mürsəqulovun sədrliyi ilə keçirilən iclasda Bakı Apelyasiya Məhkəməsi güya ki hər iki təqsirləndirilən şəxsin (İlham Əsgərli və Əhliman Süleymanov) şikayətlərinə yarım saat ərzində baxaraq, yalnız İlham Əsgərlinin cəzasını üç ilə qədər azaltmaq qərarını çıxarmışdır. Beləliklə, hakimin bu qərarı heç də hamının qanun qarşısında bərabər OLMAMASINI aydın şəkildə nümayiş etdirdi. 

Mən zərər çəkmiş tərəf olaraq Apellyasiya Məhkəməsinin qərarından şikayət vermək hüququna malikəm. Mən həmin hüquqdan istifadə edərək, Ali Məhkəməyə kasassiya şikayəti ilə müraciət etmişəm.

Növbəti mənəviyyatsız zərbəni isə ağır cinayətdə təqsirli bilinən İlham Əsgərlinin xaricdə olmasını eşidəndə aldım. Vəkilin müraciətlərinə prokurorluğun göndərdiyini cavablarından bəlli olmuşdur ki, Sabunçu rayon məhkəməsinin hakimi Anar Qasımovun sərdliyi ilə keçirilən iclasda çıxarılan qərara əsasən səhhəti ilə əlaqədar İlham Əsgərli cəzanın qalan hissəsini çəkməkdən təmamilə azad edilmişdir. Qanunun tələbinə əsasən cəzanın qalan hissəsini çəkməkdən azad olunmaq üçün təqsirli şəxsin tibbi rəy əsasında ağır xəstəlikdən əziyyət çəkməsi təsdiq olunmalıdır. “Ağır xəstə” İlham Əsgərli cəzanı çəkməkdən azad olunub, Azərbaycandan xaricə getmişdir. Bundan əlavə, qeyd etmək istərdim ki, o, cəzasının heç bir gününü də təlim-tərbiyə müəssisəndə çəkməyib və bütün müddət ərzində Penitensiar Xidmətin Tibb müəssəsində olmuşdur.

Odur ki, ədalətin bərpa olunmasına və qanunların işləməsinə itirdiyim inama baxmayaraq, misli görünməyən ədalətsizlikdən sonra mən öz Konstitusiya hüququmdan istifadə edib, qanunda nəzərdə tutulmuş müddət çərçivəsində Azərbaycan Respublikası Ali Məhkəməsinə kasassiya şikayəti vermək qərarına gəldim.

Ali Məhkəmə qanunçuluq, hamının qanun qarşısında bərabər olması, törədilən cinayətə görə məsuliyyət və ədalət prinsiplərinə göz yumaraq, Bakı Apelyasiya məhkəməsinin qəbul etdiyi qərarı güvvədə saxlamışdır.

Mətbuatda geniş şəkildə işıqlandırılan hadisələrin xırdalığına varmayaraq və Asif Əsgərov tərəfindən xəsarət almış iki uşağa qarşı qeyri-adekvat münasibətin bəslənməsinə diqqəti çəkməyərək, təcili yardım və ora aparılana qədər hələ də sağ olan oğlumun xilas olunması üçün Sabunçu xəstəxanasında adi şəraitin olmamasına toxunmayaraq, yalnız qanunun mənə verdiyi hüquqlardan istifadə etməklə Azərbaycan üçün layəqətli vətəndaş kimi böyütdüyüm, bü gün azadlığa necə çıxmasını dostlarına (hansılar ki, Sənanında dostlarıdır) fəxrlə danışan, hissiyatsız və tərbiyyəsiz avtoxuliqanın qurbanına çevrilmiş oğlum üçün edə biləcəyəm sonuncu vasitədir və mən öz Ölkəmə, onun qanunlarında və onların qarantı, və ədalətli qərarın qəbul olunması üçün yegən ümid yerim olan mənim Prezidentim İlham Əliyeva inanıram.