�Mehmanın həbsi ölkədə azad söz davasının pik nöqtəsidir�

Millətin gücü ancaq Facebooka çatır...

Tapdıq Fərhadoglu

Mehman azad sözün simvoludur. Müharibələr də sözlə başlayır, sözlə sona çatır. Amma müharibənin fiziki yaraları illər sonra insanların qəlbindən silinir, söz yarası daimi yaşayır. Söz həm də sonu görünməyən dalğadır. O, bir gün geri qayıdır və sahibinin üzünə çırpılır. Sözü min illər boyu müharibələrin allahı qılınclar, mərmilər, raketlər, bombalar sındıra bilməyib. Bu mənada Mehmanın həbsi ölkədə azad söz davasının pik nöqtəsidir. Artıq fiziklər demişkən qarşı tərəfin potensial enerjisi tükənib. İndi atdıqları daş kinetik enerji ilə aşağı, başlarına doğru düşməkdədir.
Mehman demişkən, proses gedir...

Tatyana Kryuckina

Jurnalistin qoluna qandal vurmaq... Dəhşətdir. Amma məhz bu hərəkət sistemin əsl üzünü və niyyətini açır. İstəyirlər ki, yazmasın, əli qələmi tutmasın. Mehman Əliyevi qolu qandallı görmək çox ağırdır...

Elxan Şahinoglu

Keçmiş xarici işlər naziri Tofiq Zülfüqarov "Yeni Müsavat" qəzetinə son geniş müsahibəsində "Azərbaycanda "5-ci kolon" güclüdür" deyərkən tam haqlı idi. Xarici dövlətin maraqlarına işləyənlər adamı tutdurar, hələ bir sui-qəsd də təşkil edər. Bu qədər güclüdürlər.

Aytən Fərhadova

"Mənim həbsimi atam bilməsin" soz tapmadım deməyə. Mehman Əliyev deyib. Intiqam müəllim həbs olunanda içimde hansı boşluq vardısa indi də ordayam...

Anar Xanbəyli

Mehman Əliyevi həbs etməklə mənim də bir vətəndaş olaraq üzümə tüpürmüş oldular. Mehman bəy təkçə bacarıqlı, azad bir jurnalist deyil, həm də ƏSL VƏTƏNDAŞ nümünəsidir. Heç vaxt təhlükələrdən qorxmayıb, ən çətin məqamlarda belə iti və aydın düşünçəsini, yumor, ədalət və optimizm hisslərini qorumağı bacarıb. Bəlkə də elə Azərbaycanın gələcəyi ilı bağlı hədsiz optimizmi sonuçda onu ölkənin buğünki reallığından ayrı salıb. Keçən həftə Turan-la bağlı xəbəri eşitdikdə ona zənğ edib, həmrəyliyimi və eyni zamanda niğaranlığımı bildirdim. Dedi hər şey yaxşı olacaq, bu çətinliyi də atlayacayıq. Mən təhlükə ğörmürəm. Səhərlər erkən durub Xəzərdə üzməyə gedirəm.
Ola da bilsin ki, onun mənim ağlıma sığmayan daxili gücü onun haqlı olduğunu bizə hələ subut edəcək. İndi buna özüm də inanmaq istəyirəm. Bircə onu dəqiq bilirəm ki, Mehman Əliyev kimi VƏTƏNDAŞI istənilən xalq özünün fəxri sayardı. Mən də Mehman bəyin rəhbərliyi altlnda bir müddət Turan agentliyinin kollektivində çalışdığımdan gürür duyuram. Şəxsən Azərbaycan hökümətindən və prezidentindən Mehman Əliyevin dərhal şərtsiz azad olunmasını, ona və Turan-a qarşı uydurma çınayət işinə xitam verilməsini tələb edirəm.

Vüqar Mustafayev

Dunən Qurban, bu gün Mehman
Kimi heyran, kimi peşman,
Itirir Azərbaycan,
Verilməsə sözə imkan...

Əvəz Həsənov

Azərbaycanda vətəndaş cəmiyyətinə qarşı basqılar, jurnalistlərə xüsusi güzəştlər, yazılarda daxili məhdudiyyətlər və cəmiyyətdə ölkədə baş verənlərə etinasızlıq fonunda Mehman Əliyev və yaxud ondan sonra da həbsi labüd olan intellektualların zindana atılması təəccüb doğurmur.
Bu ölkədə hər kəs öz başının milçəyini qorumağa məhkum olunmuş durumdadır.
Nədənsə bunu hamıdan tez başa düşən Mehman Əliyev onunla görüşümüz zamanı təkid edirdi ki, "heç nə eləməyin, gedin istirahət edin".
Bu ya ironiya idi, ya da öncəgörmə.
Mehman Əliyev böyük insandır. Ən pozitiv intellektual, ən düzgün proqnoz verməyi bacaran, səbrli, insanların qəlbini fəth etməyi bacaran ziyalımızdır. Onu həbsdə görmək, insan beyninin həbsi deməkdir.

Tofiq Yaqublu

İham Əliyev Mehman Əliyevi həbs etməklə, ABŞ-ın sanksiyalarına doğru iri və əmin bir addım atdı.

Samirə Əhmədbəyli

Bir vaxtlar "media kapitanları" deyilən bir qurum vardı. İki-üç kapitan və xeyli fərsiz, işəyaramaz bosmandan ibarət bir qurum. Az əvvəl Turan-ın təftişi ilə məşğul olan Amaşov da orda təmsil olunurdu. Kapitanların necə olduğunu bilirik, "kapitanlar" haradadır görəsən? Mehman Əliyev boyda bir insanı, peşəkarı, vicdan, ləyaqət sahibini əli qandallı görüncə içlərində nəsə tərpəndimi görəsən? Yoxsa prezidentdən aldıqları evdə, büdcədən oğurlanan pulların artıq-urtuğuyla süfrə qurub ailələriylə rahatca şam yeməyi yeyib, rahatca yatıblarmı? Ritorik suallar, ritorik...

Şirxan Şərif

Məsuliyyət hissini itiriblər sanki. Etdiklərinin fərqində deyillər.Mehman bəyin həbsi ilə nəinki mediaya, əli qələm tutan hər kəsə meydan oxuyurlar. Növbədə kim var?

Rovşən Əliyev

Süleyman Dəmirəl demişkən, "dün dündür, bu gün bu gündür". Bu günün xəbərini qoyub ala dağdan, qara dağdan danışmaq adamdan sifət istəyir. 1. Toplumun tək ədalətli seçmə sistemi - test aradan qaldırılır. 2. Müstəqilliyini qoruyub saxlamağa çalışan tək informasiya agentliyinin direktoru Mehman Əliyev həbs olunur.
Damcı-damcı əldə elədiyimizi hakimiyyət və xalq əlbir olub məhv eləməkdədir. Xalq niyə? Baş girləyib girəvə axtarmağa üstünlük verdiyinə görə. Üstəgəl bəzən peşəkar mühitin içindən də çıxıb işləri korlayırlar.
Bir neçə media orqanının yüksəlişində azca əməyim olub. Ona görə çöküşünü də görmək ağırdır, barbarların onu məhv eləməsini də görmək. Turan İnformasiya Agentliyinin ilk bir neçə bülletenini, demək olar ki, təkbaşına yazıb yaymışam. Azadlıq qəzetinin "boevoy listok" səviyyəsindən çıxıb ümummilli qəzet olmasına çalışmışam, "Azadlıq" radiosunda sırf özlərinə və siyasətçilərə işləyən menecerlərlə savaşıb o radionu monoloq tonundan çıxarmaq üçün risklərə getmişəm. Ancaq hamısı hədər getdi. Heç biri görmək istədiyim səviyyəyə çıxmadı. Düzəltmək istəyənlər tək-tək, korlayanlar sürü-sürü. Skeletindən də əl çəkmirlər, sonacan dağıdırlar. "İslahatlar qurban tələb edir" deyə bilərlər, ancaq belə islahat yox, belə qurban yox.

Əli İsa Jabbarov

Stalin represiyaslarından materiallar yenidənqurma mətbuatında yeni yeni cıxirdı, fikirləşirdim ki, 37- nin dəhşətini necə ekranlaşdırmaq lazımdir, onda həyat necə olub? İndi başa düşürəm ki, cox sadə: qəhrəmanlar yeni yaradılmış "neftyanik" klubunun qələbəsinə kef ilə sevinir, axşam zavoddan yorğun gəlib şam etmək istəyir ki, qonşu arvad xəbər verdi Dilbər yetimin də tifağı dağıldı. Ay arvad hansı Dilbər? Bəs Mikayılı apardılar, Mikayıl Müşfiqi. Ay balam boş ver, səhvdi olub, iki günə buraxarlar yəqin. Boş söhbətlər eləmə dur sabah iməcilikdi rezin sapoqlarımı üstə qoy. İməciliyə getməyənlərə mükafat yazmır briqadir...

Dolmadı ya bozbaş? Dolma? Qatığı sarımsaqla etmisən də?...