Müharibənin ilkin yekunları barədə

Bakı/01.10.20/Turan: Azərbaycan Müdafiə Nazirliyinin Qarabağda məhv edilmiş erməni texnikası haqda məlumatları müəyyən nəticələrə gəlməyə və ilkin yekun çıxarmağa imkan verir.

İlk növbədə, Azərbaycan Silahlı Qüvvələrinin havada böyük üstünlüyü göz önündədir. Açıqlanan videokadrlara görə, erməni mövqelərinə və qoşunlarına zərbələrin böyük hissəsi hərbi dronlar və artilleriya ilə vurulur. Praktik olaraq düşmənin HHM sistemi, xüsusilə bir S-300 sisteminin məhv edilməsi nəzərə alınmaqla, iyirmidən çox “Osa”, “Strela” və s. sistemləri sıradan çıxarılıb.

Açıq mənbələrin məlumatına görə, Qarabağda ermənilərin bir neçə “Kruq”, “Kub”, C-125 HHM sistemi, həmçinin hər birindən bir ədəd olmaqla “Elbrus” və “Toçka-U”  raket sistemi qalır.

Eyni zamanda “Qrad” yaylım atəşi sistemlərinin, demək olar ki, yarısı məhv edilib.

Düşmənin artilleriyasına güclü zərbə endirilib və demək olar ki, o, artilleriya qurğularının yarısını itirib.

Ermənilərin zirehli texnikasına ciddi ziyan dəyib, itkinin ümumi sayının 40-50%-i ilə qiymətləndirmək olar.

Məhv edilmiş avtomobil texnikasının sayı 100 ədəddən çoxdur.

Qeyd edək ki, ermənilər bu itkiləri ya ön tank savaşı və ya motoatıcı hücumlar zamanı verib, Azərbaycan tərəfdən itkilərin müqayisəli şəkildə az olması bundan xəbər verir.

Hərbi dronların yüksək effektivliyi düşməni çaş-baş salıb, belə ki, təkcə 4 gün ərzində döyüş texnikasının ən azı yarısını itirib. Azərbaycanın hərbi dronlarını neytrallaşdırmaq cəhdləri uğursuz olub.

Komanda qərargahlarının, döyüş sursatı və yanacaq anbarlarının məhv edilməsi qoşunların idarə olunması imkanlarını əhəmiyyətli dərəcədə pozur və ermənilərin canlı qüvvəsində itkilərin sayının artmasına səbəb olur.

İki gün sonra erməni tərəfi ölən və yaralananların sayını gizlətməyə başlayıb. Azərbaycan tərəfinin məlumatına görə, bu rəqəm 2500 nəfəri ötüb. Hətta bunun şişirdilmiş məlumatlar olduğunu düşünsək belə, real olaraq ölənlərin və yaralananların sayı mindən az deyil ki, bu da görünməmişdir və 92-94-cü illər müharibəsində 4 günlük döyüşlər zamanı itkilərin sayını artırır.

Onu da qeyd etmək lazımdır ki, Qarabağda Ermənistan SQ-nin nizami hissələri də döyüşür, sadəcə, Qarabağın özünümüdafiə qüvvələri deyil, amma əslində bunlar elə tamlıq təşkil edir.

Bütün bunlardan belə nəticə çıxarmaq olar ki, Cənubi Qafqazda “ən güclü ordu” nə strateji, nə mənəvi, nə də texniki cəhətdən müasir müharibəyə tamamilə hazır deyil.

İllərlə ermənilər öz əhalisinin beyninə yeridiblər ki, azərbaycanlılar tənbəldirlər, qorxaqdırlar, alver edə bilirlər, amma müharibə edə bilmirlər. Bu təbliğat ermənilər üçün həlledici rol oynayıb, onları düşmənlərinin heç nəyə qadir olmadığına inandırıb.

Hazırda düşmən müharibədə itkilərini türk hərbçilərin iştirakı ilə izah etməyə çalışır və burada da ciddi səhvə yol verir – türk ordusuna qalib gəlməyin mümkünsüz olduğunu öz xalqının şüurunda formalaşdırır, deməli, labüd məğlubiyyətlə barışmaq lazımdır.

Onu da qeyd edək ki, müharibənin beşinci gününə qədər Azərbaycanın Hərbi Hava Qüvvələri və uzaq məsafəli raket-zenit qüvvələri hələ döyüşə girməyib.

Ermənilərin Rusiyanı münaqişəyə cəlb etmək ümidlərinin boşa çıxdığını ayrıca vurğulamaq lazımdır. Nikol Paşinyanın Putin ilə söhbətdən sonra sentyabrın 30-da verdiyi bəyanatlar Yeravanın münaqişədən sülhlə çıxacağına olan ümidlərini qəti şəkildə “dəfn edib”.

Faktiki olaraq Paşinyan “Lavrov variantı”ndan və Kremlin himayəsi altında İlham Əliyevlə görüşdən növbəti dəfə imtina edib. Moskvanın vasitəçiliyindən imtina ilə bağlı bu cür kəskin demarş və açıq bəyanat Paşinyan hökumətinə və Ermənistanın özünə yaxşı heç nə vəd etmir. Yəqin ki, bununla da erməni baş nazir özünün ən böyük səhvinə yol verdi. -02B-