Növbəti imkanlar pəncərəsi

Paşinyanı "mister problem 10%" adlandırmaq olar. Onun bütün siyasi karyerası deputatlıq dövründən bəri ilk növbədə özü üçün, sonra isə xalq üçün bütöv bir problemdir, 10% kəlməsilə də (Qoy, sual versin ki, (Sarqsyan-red). "İsgəndər" raketi niyə partlamadı? Və ya, məsələn, niyə 10 faiz partladı?", - Paşinyan fevralın 23-də 1in.am nəşrinə müsahibəsində deyib) bir siyasətçi kimi özünü, eyni zamanda xalqı bitirdi. Bunun səbəbi onun yenə də səhv etməsi və ya qəsdən yalan söyləməsi deyil, amma problem onun Rusiya ÜDM-in -rus dövlətçiliyinin sütunu- maraqlarını təhqir etməsindədir. Ötən ilin sonunda Rusiya  Ermənistanı Qərbə yönəlmək cəhdinə görə çox cəzalandırdı və Azərbaycana müharibədə qalib gəlməyə imkan verdi. Rusiyaya edilən ikinci erməni təhqiri Ermənistanın məhvinə səbəb ola bilər, - orada belə hesab edirlər. Həqiqətən də Paşinyan "mister problem"dir.

Xalq tərəfindən seçilmiş baş nazirə qarşı hərbi xunta -67-74-cü illərdə Yunanıstanda "qara polkovniklər" kimi klassik, Latın Amerikası xuntası kimi- baş qaldırdı. Analoji generallar Türkiyə, Çili, SSRİ və Afrika və Asiyanın bir çox ölkələrində dövləti devirirdilər. Bəzən xuntalar ölkəni inkişafa (Çili), bəzən isə dağılmaya (SSRİ-də DFHK) gətirib çıxarırdı. Paşinyanı qovsalar, erməni xuntasının nəticəsi nə olacaq?

Erməni generalların bəyanatında erməni siyasi ritorikası üslubunda bir çox təmtəraqlı və eyni zamanda boş ifadələr var. Azərbaycanda yaddaqalan və gülüş doğuran məqam:  "Ermənistan Silahlı Qüvvələri öz borcunu şərəflə yerinə yetirdi, xalqla yan-yana düşmənlə vuruşdu. Mövcud hakimiyyətin səmərəsiz idarəçiliyi və xarici siyasətdəki ciddi səhvlər ölkəni məhv olma həddinə gətirib çıxardı", - bəyanatda deyilir.

Təmtəraq və boşluq yalanı gizlətmək üçün lazımdır. 2020-ci ildən bəri ilk dəfə olaraq general Movses Akopyan məğlubiyyətin səbəbilə bağlı yeganə həqiqəti səsləndirdi: "Erməni ordusu pis hazırlanıb və pis döyüşüb ". Bu formulda keyfiyyətsiz silahlar, korrupsiyalaşmış səriştəsiz komandirlər, intizamsız və təlim keçməmiş ordu da yer alır.

Bravo, general! Yalan oxumaqdan bezib həqiqəti söyləməyə qərar verdin. Və dərhal, "öz borcunu şərəflə yerinə yetirdi...". Müharibənin ilk həftəsində 10 min fərarinin olması şərəfdirmi? Əgər ermənilərin özlərinə məxsus qədim, misli görünməmiş şərəf anlayışı varsa, o başqa məsələ. İstədikləri kimi başa düşmək hüququna malikdirlər.

Kim qazanacaq - məğlubiyyət xuntası, yoxsa mister problem 10%? Səhih məlumatlar az olduğundan heç kim dəqiq proqnoz verməyəcək. Bir tərəfdən, Gallup-un son sorğusunda göstərildiyi kimi, xalqın əksəriyyəti Paşinyanın arxasındadır. Digər tərəfdən, xunta enerjili, silahlı, səfərbərdir və Nikol hakimiyyəti boş və güclü emosional stress altındadır. Nikol güclü adamdır, dözə bilər, amma adamlarının hamısı belə deyil. Hərbi düşərgəyə qaçanlar olacaq. Ola bilsin ki, münaqişə tərəfləri Moskvanın göstərişlərini diqqətlə oxumalı olacaqlar.  Belə ki, orada istisnasız olaraq indi hamı Kremlin fikrinə bağlıdır.

Putinin mətbuat katibi Peskov deyib ki, Kremldə vəziyyət Konstitusiya məcrasında qalmalıdır, deməli, Putin Paşinyanın qalmasını istəyir. Bunun mənası var, çünki onun yerinə gələn hər kimsə Putin ən mühüm nailiyyəti hesab etdiyi 9 noyabr 2020-ci il tarixli bəyanatı “dəfn edə” bilər. Nikol hakimiyyətinin saxlanması üçün belə böyük siyasi və maliyyə yatırımlarından sonra Rusiyaya erməni hakimiyyətinin quruculuğuna sıfırdan başlamaq lazım deyil.    Həm zərərli, həm də artıq işdir, hələ Ermənistanın nəzarətdən çıxması ilə nəticələnə bilər.

Azərbaycanda həm Paşinyanın qalmasına, həm də devrilməsinə sevinməyə hazırdırlar. Onlar üçün hansı variantın daha pis olduğunu və müvafiq olaraq bizim üçün hansının daha yaxşı olduğunu dəqiq hesablamaq mümkün deyil. Bizdə hamı Azərbaycan Ordusunun şücaətini sakitcə başa çatdırmaq, bütün Azərbaycan ərazisində qanunçuluğu bərqərar etmək imkanları haqda danışırlar və düşünürlər. 2021-ci müharibəsinə başlamağa gərək yox, demək olar ki, Xankəndi ətrafında mühasirə yaradaraq,  mülki əhali arasında qurbanlara yol vermədən və Azərbaycanın bu şəhərinə gormədən   Azərbaycan ordusunu atəşsiz Qarabağda irəlilətmək olar. Ancaq məsələ, əlbəttə, çətindir, ruslarla yoluna qoyulmalıdır.

Əgər Yerevanda xunta qalib gələrsə Azərbaycanın qarşısında növbəti imkanlar pəncərəsi açılacaq, vəzifəni yerinə yetirmək isə asandır. Bundan ötrü praktik olaraq bütün hazırlıq hərəkətləri edilib.