Açıq mənbələrdən foto
Koronavirus pandemiyası dövründə xaricdə qalan ölkə vətəndaşları çarter reyslərlə vətənə qaytarılır. Bu yaxınlarda belə bir reyslərdən biri ilə Türkiyədən Azərbaycana gətirilən yüzlərlə vətəndaşdan biri tanışım idi. Onun sözlərinə görə, uçuşdan bir gün əvvəl səfirlikdə qeydiyyatdan keçmiş şəxslərə uçuş barədə məlumat verilib. Ankaraya yaxın şəhərlərdə olan vətəndaşlar Ankaradakı səfirliyin qarşısında toplaşmalı idilər.
Səfər boyunca onunla əlaqə saxlayıb, vəziyyəti ilə maraqlanırdım. Hər şey çox gözəl başladı, müxtəlif şəhərlərdən gələn vətəndaşlar Ankara səfirliyi qarşısında qarşılanıblar, iki avtobusla, iki nəfərlik qoltuqlarda tək-tək oturaraq İstanbula aparılıblar. Təşkilatçılığın çox yüksək səviyyədə olduğunu eşitdikdə çox sevinirdim.
İstanbul hava limanına çatdıqda qeydiyyat, bilet alma, baqaj təhvili prosedurlarından sonra hamı təyyarəyə minib. Burada fiasko başlayıb. Təyyarəyə minən 300 nəfərə yaxın (rəqəm sadəcə tanış sərnişinin təxminidir) sərnişin qoltuqlarda boşluq olmadan əyləşdirilib. Aradakı boşluqlara isə çamadanlar doldurulub.
Bu arada, qeyd edim ki, İstanbul-Bakı uçuşu üçün biletin qiyməti 375 manat təşkil edirdi.
Təyyarə Bakıya endiyi andan isə koronavirusla əlaqədar görülən tədbirlər tamamilə unudulub. Bütün sərnişinlər eyni anda təyyarədən enməyə başlayıb, pasport qeydiyyatından keçərkən sosial məsafə qaydalarına riayət olunmayıb. Qeydiyyatdan keçdikdən sonra sərnişinlərin pasportlarını əllərindən alıb, COVİD-19 testi üçün analiz götürüblər.
Baqajlarını almağa gedən sərnişinlər burada da "sürprizlə" qarşılaşıblar. Yüzə yaxın baqaj gəlməyibmiş, siyahı tutub, bir neçə gün ərzində baqajların gətirilib təhvil veriləcəyini söyləyiblər.
Daha sonra sərnişinlər avtobuslara "doldurulublar", yenə də sosial məsafə qaydalarına riayət olunmadan. Dəqiq səbəb açıqlanmadan, sərnişinlər iki saat yarım avtobuslarda gözlədikdən sonra Atletlər Kəndinə aparılıblar.
Avtobuslardan da hamı eyni anda enib, liftlərlə vətəndaşları 5-5, 6-6 qalacaqları mərtəbələrə çıxarıblar. Bəzilərini tək-tək, bəzilərini isə iki nəfər olmaqla otaqlara yerləşdiriblər.
Tanışımın sözlərinə görə, binada az sayda təmizlik işçisi işləyir, onlar əllərindən gələni etsə də, işləri çatdırmırlar. Bir həftə - on gün karantində saxlanıldıqdan sonra bu vətəndaşlar yenidən alınacaq COVİD-19 testlərinin nəticəsi neqativ çıxarsa, evlərinə buraxılacaqlar. Amma, təəssüf ki, vətənə sağlam qayıdan vətəndaşların belə bu şəraitdə koronavirusa yoluxma ehtimalı yüksəkdir.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz