Azərbaycan Respublikasının Daxili İşlər Naziri Cənab Ramil Usubova
Hörmətli Cənab Nazir,
Sizə müraciətimiz özünü ərazinin sahə müvəkkili kimi təqdim edən Zamir Kazımovun Beynəlxalq İnsan Hüquqları Evi Fondunun ölkımizdə yerli filialı olan Azərbaycan İnsan Hüquqları Evi İctimai Birliyinin Mərdanov qardaşları 5 ünvanda yerləşən ofisinə gələrək heç bir yazılı göstəriş, qərar təqdim etmədən araşdırma aparması ilə əlaqədardır. Diqqətinizə çatdırmaq istərdik ki, özünü ərazinin sahə müvəkkili kimi təqdim edən Zamir Kazımov fevral ayının 11-də saat 17:30 radələrində özünü təqdim etməyən başqa bir polis əməkdaşı ilə Azərbaycan İnsan Hüquqları Evi İctimai Birliyinin Mərdanov qardaşları 5 ünvanda yerləşən ofisinə gələrək araşdırma aparmaq istədiyini bildirib. Polis zabitini təşkilatın Azərbaycan üzrə nümayəndısi Vüqar Qocayev qarşılayıb. Heç bir sənəd təqdim etməyən, qaba davranan Zamir Kazımov ofisimizdə hansı tədbirlərin keçirildiyi barədə, tanınmış insanların hər həftə müxtəlif vaxtlarda bura niyə toplaşdığı barədə suallar verib. Z.Kazımov və özünü təqdim etməyən digər polis əməkdaşı bizi təhdid edərək xəbərdarlıq etdilər ki, onlar şəhərin məsul olduqları hissəsində bizim təşkilatın fəaliyyətinə imkan verməyəcəklər. Bizim təşkilatın ofisindən çıxarılması üçün lazım bildikləri addımları atacaqlar. Z.Kazımov həmçinin təşkilatımızın ofisində planlaşdırılan mətbuat konfransları, Dəyirmi Masalar haqqında, iştirakçılarım şəxsiyyəti barədə bizdən informasiya tələb edib. O, təkidlə bildirib ki, təşkilatın fəaliyyətini davam etdirməsinə imkan verməyəcək. Polis zabiti təşkilatın rəhbəri Vüqar Qocayev-in telefon nömrəsini götürərək fəaliyyətini dayandıranadək təşkilatın ofisində keçiriləcək bütün tədbirlər barəsində ona davamlı məlumat verməsini tələb edib. Azərbaycan İnsan Hüquqları Evi İctimai Birliyinin Mərdanov qardaşları 5 ünvandakı mənzildə icarə müqaviləsi əsasında yerləşib. Sahə müvəkkili Z. Kazımov yerləşdiyimiz mülkün sahibinə zəng edərək ondan bizi ofisdən çıxarmağı tələb edəcəyini bəyan edib. O, eyni zamanda bizim qonşularımızla danışaraq əleyhimizə rəy almağa çalışıb.
Hörmətli Cənab Nazir,
Diqqətinizə çatdırmaq istərdim ki, Azərbaycan İnsan Hüquqları Evi qərargahı Norveçdə yerləşən Beynəlxalq İnsan Hüquqaları Evi Fondunun filialıdır. Bu təşkilatın filialları dünyanın 15-dən çox ölkəsində fəaliyyət göstərir. Təşkilat çalışdıqları ölkələrdə hüquq müdafiəçilərinın bilik və bacarıqlarının yaxşılaşdırılması, bu sahədə milli hökumətlərin səylərinin dəstəklənməsi, hüquq müdafiəçilərinin daha səmərəli fəaliyyətinin təmin olunması üçün resurs mərkəzi rolunu oynayır. Azərbaycan İnsan Hüquqları Evi 2007-ci ildə Ədliyyə Nazirliyində beynəlxalq təşkilat kimi qeydiyyatdan keçib. Baki ofisinin nəzdində konfrans zali, hüquq kitabxanası yaradılıb. Ofisin yaratdığı bu imkanlardan insan hüquqları ilə məşğul olan və bu sahə üzrə araşdırma aparan, tədris alan tələbələr, hüquq müdafiəçiləri və hüquqşunaslar, bir sözlə bütün vətəndaşlar təmənnasız istifadə edə bilər
Hörmətli Cənab Nazir,
Hesab edirik ki, polis zabiti Z.Kazımov heç bir rəsmi qərar təqdim etmədən Azərbaycan İnsan Hüquqları Evi İctimai Birliyinin Mərdanov qardaşları 5 ünvanda yerləşən ofisinə araşdırma aparması, işçiləri qanuni səbəb göstərmədən sorğu-suala çəkməsi, işçilərin şəxsi bilgilərini tələb etməsi, bizi təşkilatın fəaliyyətinə imkan verməyəcəyi ilə hədələməsi, habelə istifadəçisi olduğumuz mənzilin sahibini də bizə görə hədələyəcəyi ilə qorxutması bizim Azərbaycan Respublikası Konstitusiyasında, onun Qanunlarında, habelə Azərbaycanın tərəfdar çıxdığı beynəlxalq müqavilələrdə nəzərdə tutulan hüquq və azadlıqlarımıza pozur. Yuxarıda qeyd edilənləri nəzərə alaraq, özünü sahə müvəkkili kimi təqdim edən Zamir Kazımovun Azərbaycan İnsan Hüquqları Evi İctimai Birliyinin ofisində araşdırma aparması faktının araşdırılmasını, zəruri addımların atılmasını təmin etmənizi biz - aşağıda qeyd olunan hüquq müdafiə təşkilatları adından sizdən xahiş edirik. Öncədən təşəkkür edirik.
Hörmətlə 1. Novella Cəfəroğlu, D. Əliyeva adına Qadın Hüquqlarını Müdafiə Cəmiyyəti2. Rəşid Hacılı, Media Hüquqları İnstitutu3. İntiqam Əliyev, Hüquq Maarifçiliyi Cəmiyyəti4. Eldar Zeynalov, Azərbaycan İnsan Hüquqları Mərkəzi5. Əvəz Həsənov, Humanitar Tədqiqatlar Mərkəzi6. Emin Hüseynov, Reportyorların Azadlığı və Təhlükəsizliyi İnstitutu7. Ənnağı Hacıbəyli, Azırbaycan Hüquqşunaslar Assosiasiyası8. Fuad Həsənov, Demokratiya Monitoru İctimai Birliyi9. Anar Məmmədli, Seçki Monitorinqi və Demoktratiyanın tədrisi Mərkəzi10. Əsabəli Mustafayev, Sumqayıt Demokratiya və İnsan Hüquqları Mərkəzi
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz