![Raufun oxucularına](https://turan.az/resized/750/500/resize/media/2015/main/120800139280.jpg)
Mənim oğlum 20 ay həbsdə qalıb. Tək otaqlı kamerada. Ömrü boyu vətəni üçün çalışan ziyalı ağlasığmaz ittihamla ləkələnib. Bu 20 ay onun həyatından, bizim ömrümüzdən oğurlanıb. Oğlu ilə həmişə qürur duyan atası bu dərdə dözməyib dünyasını dəyişib.Dünyada tanınmış Azərbaycan ziyalısını ləkələməklə dövlətimizin nüfuzuna xələl gətirilib. Belə əldəqayırma işlərə görə dövlətimiz beynəlxalq qurumlarda xoşagəlməz suallarla, qətnamələrlə qarşılaşıb. Halbuki ziyalıların ləkələnməsi vətəndaş cəmiyyətinin zəiflədilməsi, bizim müstəqil Azərbaycan dövlətçiliyimizin zəiflədilməsinə xidmət edir.
Mən dəfələrlə dövlətimizə, ictimaiyyətimizə müraciət etmişəm. Rica etmişəm: “bu haqsızlığa son deyin”. Hazırda Raufun məhkəməsi gedir. Həftədə 1 dəfə, 2 saat. Raufa verilən bu ağır ittihama tamamilə aid olmayan şahidlər dindirilir. Nə bilim köhnə qonşumuz, Raufla nə vaxtsa səfərdə olmuş insanlar, keçmiş həyat yoldaşı və s. Onlarda bildiyimə görə Rauf haqqında heç bir mənfi ifadə vermirlər. Əksinə bu ittihamın nə dərəcədə absurd olduğunu hətta Raufu sevməyənlər belə anlayır. Bildiyimə görə indiyədək ifadə verən şahidlərin hamızı Rauf haqqında müsbət danışıblar. Bütün bunları ona görə deyirəm ki, məhkəmə qapalı keçirilir. Mən isə anayam, hər dəfə məhkəmə binasının qarşısında dayanıb şahidlərlə söhbət edirəm. Rauf haqda bir jurnalist kimi, bir vətənpərvər ziyalı kimi hamısı yüksək fikirlədirlər. Bunun üçün mətbuat vasitəsiylə Raufun oxucularına hesabat verməyi özümə borc bilirəm. Mənim oğlum günahsızdır. Bunun əksini sübut edəcək heç bir dəlil, sübut, şahid yoxdur. Ola da bilməz. Bu halda, bu işi belə uzatmağın nə mənası var? Bu ağır günlər mənim oğlumun həyatından gedir. O tək otaqlı kamerada yaşadığı hər gün yüz ilə bərabərdir, belə ağır ittihamın altında əzilmək üzərində bir dağ daşımaq deməkdir.
Raufun şahidləri onun məqalələridir. 30 il ərzində günbəgün yazdığı məqalələri, ölkəsinin inkişafı naminə apardığı təhlilləri, verdiyi prognozları. ƏSL ŞAHİDLƏR ONLARDIR. Bu məqalələr Raufun düşüncələridir, iç dünyası, əqidəsi, amalıdır. Rica edirəm Raufun ittihamına qətiyyən aidiyyatı olmayan insanları narahat etməyin, onu tanımaq istəyirsinizsə sadəcə məqalələrini oxuyun.
-
- İqtisadiyyat
- 8 Dekabr 2015 12:29
-
- İqtisadiyyat
- 8 Dekabr 2015 12:53
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz