Səfir Şuşadan əvvəl və sonra
Səfir Şuşadan əvvəl və sonra
Mayın 3-də ABŞ-ın Bakıdakı səfiri Mark Libbinin böyük müsahibəsi çox səs-küy yaratdı və siyasi müzakirələrə səbəb oldu. Eyni zamanda, Amerika diplomatiyası, eləcə də səfirlik personalının işilə bağlı bir sıra vacib amili ortaya qoydu.
Əvvəla, bir çox sələfindən fərqli olaraq, ölkədə insan hüquqlarının kobud şəkildə pozulması və jurnalistlərin həbsi barədə açıq danışan səfir Libbiyə təşəkkür etmək lazımdır. O, sadəcə, onları azad etməyə çağırmayıb, həbs və təqibləri "yolverilməz" hesab edib.
Açıq müsahibə və birmənalı ifadələr əvvəllər də Qərb diplomatları tərəfindən səslənib, ancaq nəşr üçün yox (Off the record). Söhbətin iştirakçısı olaraq təsdiq edə bilərəm ki, səfirin emosiyaları səmimiydi, hətta səmimiyyətilə bir qədər təəccübləndirirdi.
Lakin müsahibə göstərdi ki, Amerika diplomatının mövqeyində də bəzi problemlər və çatışmazlıqlar var. Bu, ilk növbədə, onun Şuşaya səfərə hazır olmadıgı ilə bağlı fikirlərinə aiddir.
Görünür, bu, şəxsən səfirdən daha çox rəsmi Vaşinqtonun mövqeyidir. Nədənsə, ABŞ Azərbaycanda Qarabağ məsələsilə bağlı hakimiyyət və müxalifət arasında fikir ayrılığının olmadığını başa düşməyə gecikir.
Odur ki, Qarabağa və Şuşaya getməyi qəbul etməkdən imtina bütövlükdə Azərbaycana mənfi münasibət kimi qəbul edilir (rəsmi təbliğat bundan məharətlə istifadə edir).
Səfirin emosionallığı özünü onda da göstərirdi ki, demək olar ki, bir gün sonra Şuşaya getdi, halbuki, deyirdi ki, kiminsə təşkil etdiyi "şouda" iştirak etməyə hələlik hazır deyir və fikri yoxdur.
Bu cür hərəkətlər emosiyalardan başqa, səfirin Qarabağ mövzusunda danışmağa hazır olmadığını da göstərir. Daha doğrusu, Bakıya bu yaxınlarda gəldiyi üçün bu mövzuda kifayət qədər materiala malik deyil. Əgər belədirsə, bu, onun səfirlikdəki komandasının işindəki çatışmazlıqdır ki, komanda müvafiq analitik arayış hazırlamayıb. Daha sadə desək, səfirə izah etməliydilər ki, Şuşa şəhəri mövzusu Azərbaycan üçün xüsusi əhəmiyyət kəsb edir və "şou" kimi ifadələr, ən azı ölkə vətəndaşlarının hisslərinə hörmətsizlikdir. Bunu Vaşinqtonda da çoxdan başa düşməliydilər, çünki Vaşinqtonun razılığı olmadan səfir Şuşaya getməzdi.
Bu məsələ ilə bağlı mövqenin tez dəyişməsi Azərbaycan məsəlini yada saldı: Eşşəyə minmək bir ayıb, düşmək iki. Güman etmək lazımdır ki, Dövlət Departamentində nəticə çıxaracaqlar.
Hakimiyyətin Qərb donorları ilə qanunsuz əməkdaşlıqda ittiham etdiyi məhbus fəalların vəziyyəti də buna bənzəyir.
Səfirin səfirlik nümayəndələrinin həbsdə olan fəallara baş çəkməyə cəhd etməməsi barədə məzəmmətə reaksiya verməsi və Şuşa səfərindən qayıtdıqdan sonra siyasi məhbus fəalların ailə üzvlərini qəbul etməsi təqdirəlayiqdir.
Əgər deyilənlərə yekun vursaq, amerikalı diplomatın hərəkətlərində müsbət məqamlar daha çoxdur və əgər buna jurnalistlərlə görüş və söhbət də təsir edibsə, bu, ancaq sevindirici ola bilər.
Həmçinin istərdik ki, bundan sonra səfirin siyasi məsələlər, ictimaiyyətlə əlaqələr və mətbuat üzrə müşavirləri öz rəhbərlərini Azərbaycandakı vəziyyət və proseslər barədə daha yaxşı məlumatlandırsınlar.
Rəy yaz
Söz istəyirəm
-
Əhalinin çox olduğu paytaxt Bakıda taksi sənayesi həm şəhərin nəqliyyat şəbəkəsinin mühüm hissəsidir, həm də mühüm məşğulluq mənbəyidir. İnformasiya Texnologiyaları və Nəqliyyat Nazirliyinin məlumatına görə, hazırda şəhərdə 28 000 taksi sürücüsü çalışır.
-
ABŞ federal tədqiqatçıları Demokrat konqresmen Henri Kuelların Azərbaycanın idarə etdiyi neft şirkəti və Meksikadakı bankdan $600,000 dollar həcmində rüşvət alması ittihamı ilə bağlı işdə artıq üç nəfər təqsirini etiraf etdiyini bildirir.
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
1 rəy
FİNCA
2024-05-09
Амеры посольства страдают непониманием страны и стереотип.представлениями. Отсюда и бездарность их пребывания здесь. Ильхам играет на их стереотипах, а послы помогают ему.