İran həbsxanasından azad edilən şairlər hələ də ittihamı başa düşmədilər

“Həbsimizin yalnız 86-cı günündə İran hakimiyyəti bizim Azərbaycan konsulluğunun nümayəndələri ilə görüşməyimizə icazə verdi”, deyə bu yaxınlarda azad edilmiş şairlər Şəhriyar Hacızadə (Del Gerani) və Fərid Hüseyn obyektiv.tv-yə müsahibələrində bildiriblər.

Onlar yerli şair Bəhram Sürgün tərəfindən qonşu ölkəyə poeziya festivalına dəvət edilmişdilər və adlarının İran müxalifətçilərinin siyahısında olduğundan xəbərləri yox idi.

Onlar vətənə qayıdarkən yolda həbs ediliblər. Şairlərin gözləri bağlanıb, qandal taxılaraq təhlükəsizlik xidmətinə aparıblar (ETTELAT) və demək olar ki, üç ay orada saxlayıblar.

İrəli sürülən ittihamlar cəfəng idi – guya onlar mərhum şair Məhəmməd Şəhriyarın oğlu ilə qəsdən görüşüblər, Azərbaycanın birləşməsi üçün təbliğat aparıblar.

“Əslində yerli hakimiyyət Bakıdan yaradıcı ziyalıların və alimlərin onların ərazisinə gəlməsini çəkə bilmir. İran xüsusi xidmət orqanlarının Azərbaycan hökumətinə türk dilinə və mədəniyyətinə olan nifrətlərinin dərəcəsini göstərmək üçün bəhanəsi yarandı, təqsirsiz şairlər isə “əsəbi vaxtlarına təsadüf edib””, deyə Şəhriyar bildirib.

Həbsxanada saxlanma şəraiti dəhşətli idi -  savadsız canilər və qatillərlə birlikdə saxlanırdıq. Məhbusların çoxu Azərbaycan dilini bilirdi, onlar bir dəfə belə olsa, Bakıda olmaq istəyirdilər, onların fikrincə burada məişət azadlığı səviyyəsi Təbrizdə və Tehranda olduğundan xeyli yüksəkdir.

Həbsin 25-ci günündə İran hakimiyyəti şairlərə valideynləri ilə telefonda danışmağa icazə veriblər, 51-ci gündə isə onların həbs edildiyi faktını etiraf ediblər.

Şairlərin vəkili yox idi, onlar hətta saxlanma səbəblərini bilmirdilər, müstəntiqlər ittihamın mahiyyətini açıqlamayan dolayı suallar verirdilər.

86-cı gün məhkəmə oldu, işi təkrar istintaqa göndərdilər, baxmayaraq ki, dəlil bazası olmadığı üçün (“şahid ifadələrindən” başqa heç nə yox idi) məhbuslar azad edilməli idi.

Şairlərin dediyinə görə, onların yaradıcılığı şəxsi və romantikdir, siyasət onların işi deyil. Onlar hazırki siyasi rejimin hakimiyyəti dövründə bir daha İrana getmək niyyətində deyillər. -17D-