İslam Partiyası: Azərbaycan yanlış yoldan gedir

Azərbaycan İslam Partiyası (AİP) sədrinin siyasi məsələlər üzrə müavini Akif Heydərli partiyanın siyasi fəaliyyəti haqda çıxış edib.

Sədr müavini islam partiyasını Azərbaycan dövlətilə savaşda görənləri vətənpərvərlik və xalq sevgisini anlamamaqda ittiham edir. Onun fikrincə, vətənpərvərlik və xalq sevgisi ümumbəşəri dəyər yox, məhz islami dəyərdir.

İslam partiyası ilə digər partiyaların da fərqi məhz mənəvi keyfiyyətlərə üstünlük verməsindədir. 

A.Heydərli ölkənin neft strategiyasına münasibətdə AİP-in tutduğu mövqeyin iqtidarı və əksər partiyaları qane etmədiyini deyir. Neft strategiyasından xalqdan çox Qərb ölkələrinin qazandığı nəzərə çatdırılır. Azərbaycanda isə neft bumu əli dövlətin cibində olanlara “kirli pullar qazandırdığı” iddia edilir. Neft gəlirlərinin ölkədə korrupsiyaya, rüşvətə yol açdığı iddia edilir. Neft strategiyasının Qarabağ problemini həll edəcəyi vədlərinin yalan çıxdığı önə çəkilir. Partiyanın neft strategiyasının səhv olması haqda bəyanatlarını dinləməmək, tələb və təkliflərini rədd etmək üçün ona irançı damğası vuruldu”, deyə sədr müavini AİP-in cəmiyyətdəki “irançı” imicinin yaranmasına toxunur. 

Azərbaycanda gözəllik yarışmalarının keçirilməsi “Qərbin strateji hədəfi”, “xalqın mənəvi iqliminin zəhərlənməsi” kimi dəyərləndirilir. 

1996-cı ildə AİP rəhbərlərinin həbsi milli-dini dəyərləri qorumaları ilə əsaslandırılır. Bu həbslərdə xarici dairələrin xüsusi rol oyandıqları, amma rəsmi Bakının buna qarşılıq qoya bilməməsi vurğulanır. 

“Belə münasibət son illər də davam edir”, deyə A.Heydərli 2010-cu ilin fevralında, 2011-ci ilin yanvarında baş verən həbslərə toxunur. Onun fikrincə, bu həbslərə səbəb partiyanın dindar zümrənin aparıcı siyasi qüvvəyə çevrilməsidir. Onun sözlərinə görə, həbslərdən məqsəd ittihamlarda deyildiyi kimi ölkənin dövlət quruluşunu və ya hakimiyyəti qorumaq deyildi. Xalqın rəğbətini qazanan, maraqlarını müdafiə edən, iqtidar önündə ciddi tələblər qoyan AİP-in siyasi fəaliyyətini iflic hala salmaq olub. 

A.Heydərli AİP sədri Mövsüm Səmədov haqda ittihamların hüquqi əsası olmadığını deyir. Son həbslərdə siyasi ambisiya özünü o qədər göstərib ki, beynəlxalq qurumlar belə həbslərin siyasi əsaslı olduğunu bəyan edərək həbs edilənləri siyasi məhbus kimi tanıyıblar. -05D-