![Azərbaycan və Türkiyə Hərbi Hava Qüvvələrinin birgə təlimləri](https://turan.az/resized/750/500/resize/media/2020/main/110400033584.jpg)
Azərbaycan və Türkiyə Hərbi Hava Qüvvələrinin birgə təlimləri
Türkiyənin keçmiş daxili işlər naziri :”Bundan sonrakı hərbi və siyasi proseslər də Azərbaycanın lehinə olacaqdır”
***
Turan: Öz torpaqlarını erməni işğalından azad etmək üçün Azərbaycan ordusu sentyabrın 27-dən bəri Türkiyənin mənəvi dəstəyi ilə geniş miqyaslı əməliyyatlar aparır. Araz çayının sahilləri də daxil olmaqla, Cənub bölgələrindəki torpaqların hamısı azad edilib. Əməliyyatların bu gün gəldiyi mərhələ barədə nə demək istəyərdiniz?
Tantan: Türkiyənin “Tam qələbəyə qədər Azərbaycanın yanındayıq”- şəklindəki qəti mövqeyi Azərbaycan ordusunun əhvali-ruhiyyəsini yüksəldən faktor olmuşdur. İmperialist qüvvələrin oyuncağı olan Ermənistanın hərbi, kəşfiyyat və siyasi baxımdan güclü Azərbaycanın qabağında durması mümkün deyildi.Artıq hamı bilir ki, Qarabağ məsələsi həll edilmədən regiondakı münaqişəşələr başa çatmayacaq və sabitlik yaranmayacaq. Azərbaycan ordusunun gəldiyi mərhələdən geriyə qayıtması mümkün deyildir.Bundan sonrakı hərbi və siyasi proseslər də Azərbaycanın lehinə olacaqdır.
Türkiyənin Azərbaycana verdiyi mənəvi dəstəyə əvvəl Rusiya,sonra isə İran fərqli məna verərək “Türkiyənin apardığı cihadçı qüvvələr Qafqazda sabitliyi pozur”- deyə Ankaranı günahlandırdılar. Bunu nə məqsədlə edirlər, Türkiyəyə və Azərbaycana bu günahlandırmaların hansısa təsiri olarmı?
Tantan: Türkiyənin strateji mövqeyi Adriatik dənizindən Çin səddinə qədər olan coğrafiyada bizim aktiv olmağımızı məcbur qılır. Ona görə quru,hava və dəniz qüvvələrimiz təkcə müstəqilliyimiz və təhlükəsizliyimiz üçün yox həm də siyasi və diplomatik baxımdan güclü olmağımız üçün çox vacibdir. Şimali Afrikada Liviya məsələsinə baxanda bunu görürük.Əvvəl Suriyada sonra isə İraqda səhnəyə qoyulan oyunlarda da eyni qurğularla qarşılaşmışdıq.Bunun ən bariz nümunəsi Böyük Orta Şərq Layihəsidir. Özlərini dünyanın jandarması kimi görən işğalçı qüvvələr, müstəqil siyasət yeritməyə can atan ölkələri məhv etmək üçün hər yoldan istifadə edirlər. Başqalarını vuruşduraraq aparılan enerji savaşlarında Türkiyə, başda Azəərbaycan olmaqla, qardaş və soydaş ölkələrlə əlaqələrini və bağlantılarını daha da gücləndirmək məcburiyyətindədir.Rusiya hal-hazırda Suriya və Liviyada ABŞ ilə mühüm mövqelər əldə etmişdir.İran da bölgədəki nüfuzunu qorumaq üçün Suriya, İraq və körfəz ölkələrindəki əməllərinə davam edir.Rusiya da İran da Qafqazda Azərbaycanın, Orta Asiyada isə Türk dövlətlərinin güclənməsini istəmir, bunu öz zəiflikləri hesab edirlər.Ona görə Türkiyənin günahlandırılmasının heç bir əsası yoxdur.
Turan: Azərbaycan ordusu qərarlı şəkildə irəliəyərkən Rusiyadan və Qərbdən “atəşkəs” və “sülh müzakirələri”nə dair çağırışlar və hətta təzyiqlər gəlir. Sizcə,hal-hazırda Azərbaycanın “sülh müzakiələri masası”na getməsi doğru olarmı?
Tantan: Hər savaşın axırında mütləq bir masa olur.Ancaq mühüm olan şey-o masanın arxasında hansı güclə oturmağınızdır. Azərbaycan güclü ordusu və qərarlı şəkildə irəliləməsiylə torpaqlarını xilas edir. Həm əməliyyatlar qərarlı şəkildə davam etdirilməli həm də “atəşkəs” və “sülh” müraciətlərinə qarşı diplomatik yolla mübarizə aparılmalıdır. Yəni, Azərbaycan eyni anda həm savaş meydanında həm də masa arxasında olmalıdır.
Turan: Türkiyənin ən təcrübəli siyasətçilərindən və dövlət adamlarından birisiniz. Azərbaycan ilə münasibətlərin daha da inkişaf etdirilməsi üçün hansı konkret təklif və planlarınız vardır?
Tantan: Azərbaycanın ulu öndəri Heydər Əliyevin dediyi kimi, ”Bir millət iki dövlət” olan Türkiyə və Azərbaycanın tale birliyi yaratmasından təbii nə ola bilər ki? Bu birliyin digər soydaş ölkələrlə də qacınılmaz olması imperialist qüvvələrin yuxularını qaçırır. Hər şeydən əvvəl, Qafqaz və Orta Şərq başda olmaqla, uzaq Asiyaya qədər olan geniş coğrafiyada Türk dünyasının güclü şəkildə ayaq üstündə durması üçün vahid dilin və mədəniyyətin daha da inkişaf etdirilməsinə, ticarət kanallarının axıra qədər açılmasına nail olmaq lazımdır. Hərbi sahədəki inteqrasiya mütləq gücləndirilməlidir.
Turan: Azərbaycan milli ordusunun onurğa sütununu Türkiyənin hərbi akademiyalarında yetişən general və zabitlər təşkil edir. Onların çoxu sizi tanıyır. Ön cəbhədəki komandanlarımıza və əsgərlərmizə hansı mesajlarınız var?
Tantan: Əlbəttə, Azərbaycan ordusunun Ermənistan üzərində əzici üstünlüyə nail olmasında yaxşı təhsil və təlim görən, qərargahlarda əsaslı təcrübə qazanan komandanların böyük rolu vardır. Cəbhədəki savaşda tətbiq edilən taktikalar və şok həmlələr, sıravi əsgərlərdən zabitlərə və generallara qədər Azərbaycan ordusunun gücünü nümayiş etdirir. Qardaş Azərbaycanın savaşda qələbə çalmış ordusu vardır. Hamısını ürəkdən salamlayır, işğal altındakı əziz vətən torpaqlarının bir an əvvəl azad edilməsini diləyirəm.
Rəy yaz