![Açiq mənbələrdən foto.](https://turan.az/resized/750/500/resize/media/2020/main/110400033575.jpg)
Açiq mənbələrdən foto.
“Azərbaycan” qəzeti “Bəşəriyyəti təhdid edən qlobal bəla” sərlövhəli məqalədə COVİD-19 pandemiyasına qarşı mübarizəni dəyərləndirir.
Müəllif deyir ki, dünya ölkələrində olduğu kimi Azərbaycanda da son dövrlərdə infeksiyaya yoluxanların sayında artım müşahidə edilir, yoluxma ilə sağalma arasında fərq yoluxmanın xeyrinədir.
Müəllifin deməsinə görə, ölkə üzrə ən çox yoluxma faktı 55,2% olaraq Bakı şəhərində, paytaxtın rayonları arasında ən çox yayılma 14,6 faiz olmaqla Binəqədi, ən az 0,3% olmaqla Pirallahı rayonlarında qeydə alınıb, belə vəziyyət sanitar-epidemioloji durumu da gərginləşdirir,
TƏBİB-in infeksion xəstəliklər üzrə işçi qrupunun üzvü Nəzrin Mustafayeva bu artıma səbəb kimi yay aylarında yoluxma sayında azalma olduğuna görə insanlarda arxayınlıq yaranmasını göstərir.
N.Mustafayeva əlavə edib ki, nəzərdə tutulan qaydalara əməl edilmədikcə yoluxma sayı artacaq, odur ki, maska taxılmasına, sosial məsafənin gözlənilməsinə, gigiyena qaydalarına ciddi əməl edilməldir.
Müəllifin deməsinə görə, bu təhlükədən birdəfəlik qurtuluş yolu olan peyvəndin hazırlanması üzrə çalışmalar davam edir, amma nəticələr bu ilin sonuna və ya 2021-ci ilin əvvəlinə gözlənilir.
“Yenisabah.az” saytı “Laçın dəhlizinin götürülməsi ilə əməliyyatlar sürətlənəcək -Türk general” sərlövhəli məqalədə müəllif Qarabağdakı hərbi əməliyyatları Türkiyə generalı Özgür Torunun şərhində təqdim edir.
Ö.Toruna görə, Ermənistan tərəf hərbi əməliyyatların başlanmasına səbəb olmaqla bəzi cəhətləri nəzərə almayıb: “Erməni tərəf Azərbaycan ordusunun günü-gündən gücləndiyini nəzərə almalı idi. Nəzərə almalı idi ki, vasitəçi kimi həmsədrlərdən Fransanın hadisələrə təsir gücü indi kifayət qədər deyil. Prezident seçkilərilə bağlı ABŞ-ın başı özünə qarışıb. Rusiyanın isə Ermənistanın hazırkı hakimiyyətindən o qədər də xoşu gəlmir”, - general bildirir.
General əlavə edir ki, Azərbaycanın İranla sərhəddi tam nəzarətə götürməsi əhəmiyyətli hadisədir. Sərhəddə nəzarət həm də o tay-bu taylı azərbaycanlıların sıx təması deməkdir.
Müharibənin daha nə qədər davam edə bilməsi barədə konkret tarix verməyən O.Torun deyir: “Bunu təxmin etmək çətindir. Amma Laçın dəhlizinin nəzarətə götürülməsi ilə əməliyyatlar sürətlənəcək”. Erməni tərəfin mülki əhalini atəşə tutmasını general beynəlxalq hüquqa və insanlığa sığmayan hadisə adlandırır.
Bu müharibədə Türkiyə-Azərbycan münasibətlərinə toxunan Ö.Torun deyir: “Tarix təkrarlanır. Yüz il əvvəl biz qurtuluş savaşı verəndə siz yanımızda idiniz. İndi-yüz il sonra biz Azərbaycanın yanındadıyıq. Bütün dəstəyimiz və dualarımız sizinlədir”.
“Moderator.az” saytı “Son iki ay Kreml üçün dəhşətli oldu: Belarus, Gürcüstan itirilib, Ermənistan əldən gedir...” sərlövhəli məqalədə müəllif keçmiş postsovet məkanında Rusiya rəhbərliynin fəaliyyətini və onun nəticələrini dəyərləndirir.
Müəllif ekspertlərə istinadən deyir ki, son iki ayda Rusiya postsovet məkanında Moskvanın nüfuzunu aşağı salan bir sıra güclü zərbələrə məruz qalıb.
Ekspertlər belə düşünürlər ki, Moskvanın postsovet məkanında qarşılaşdığı problemlərin böyüməsi var: “Bunlara Belarusda seçkilərdən sonrakı vəziyyət, Qırğızıstandakı hadisələr, Gürcüstanda parlament seçkilərinin nəticələri və İqor Dodonun Moldovadakı prezident seçkilərində faktiki məğlubiyyəti daxildir”, -problemlər sadalanır.
Siyasi ekspertlər Azərbaycan və Türkiyənin regiondakı son proseslərdəki roluna da xüsusi diqqət ayırıblar.
Politoloqa görə, Türkiyə artıq Cənubi Qafqazın əsas oyunçusuna çevrilib.
“Rusiya birbaşa Ermənistana kömək edə bilməz, dolayı dəstək hələ də effektsizdir. Vasitəçilik cəhdləri uğursuz alınır. Azərbaycan hücumlarına davam edir. O, seçimini edib və Ermənistanda Moskva ilə ittifaqdan məyusluq artmaqdadır...” - ekspertlər bildirirlər.
“Modern.az” saytı “Lavrovdan növbəti Qarabağ açıqlaması” sərlövhəli məqalədə müəllif Qarabağdakı hərbi əməliyyatlar fonunda Türkiyə- Rusiya münasibətlərini dəyərləndirir
Rusiyanın xarici işlər naziri Sergey Lavrov Rusiyanın Türkiyə ilə əməkdaşlığı davam etdirəcəyini, Dağlıq Qarabağdakı hərbi ssenarinin irəli çəkilməsinin qarşısını almaq üçün regiondakı bütün nüfuzundan istifadə edəcəyini söyləyib.
“Moskva və Ankara çevik, praqmatik yanaşma göstərə bilən və bir-biri ilə əməkdaşlıq edərkən strateji baxışı rəhbər tutan iki sıx tərəfdaşdır.
S.Lavrova görə, Dağlıq Qarabağ məsələsində vəziyyət kökündən fərqlidir, burada məsələnin danışıqlar yolu ilə həllinə çalışdıqlarını qeyd edib.
Rusiya XİN rəhbəri deyir ki, həm münaqişə tərəfləri, həm də xarici tərəfdaşlar atəşkəs razılaşmalarına, nəzarət mexanizminin yaradılmasına və konkret cədvəllə mənalı danışıqlar prosesinin bərpasına ciddi şəkildə riayət etməlidirlər. RF naziri deyir ki, dayanıqlı bir atəşkəsə nail olmaq dərhal mümkün olmasa da bölgədəki bütün təsirlərdən istifadə olunacaq.
Onun fikrincə, hərbi ssenarinin daha da irəli çəkilməsini dayandırmaq, tərəflər arasında dialoq qurmaq. Bakı ilə İrəvanı danışıqlar masasına oturmağa inandırmaq üçün türkiyəli tərəfdaşlarla çalışacaqlar.
Rəy yaz