Açiq mənbələrdən foto.
Bakı/20.07.20/Turan: “Oğlum Aqil Məhərrəmlinin səhhəti yaxşı deyil. Onun qızdırması var. Dünən günortadan sonra xəstəxanaya köçürüblər”, - yerli hüquq müdafiəçilərinin siyasi məhbus kimi tanıdığı Aqil Məhərrəmlinin anası Adilə Məhərrəmli “Amerikanın səsi”nə bildirib.
Öz növbəsində sosial şəbəkələrdə məlumat yayılıb ki, Penitensiar Xidmətin 2 saylı cəzaçəkmə müəssisəsində koronavirus testi pozitiv çıxan 40 məhbus 3 saylı İxtisaslaşdırılmış Müalicə Müəssisəsinə (Tubzona) köçürülüb.
“Köçürülən xəstələrn arasında AXCP Rəyasət Heyətinin üzvü Aqil Məhərrəmli də var. Xəbəri bizə məhbus ailələri veriblər. Onlar doğmaları ilə bağlı narahatlıqlarını ifadə edərək bilidiriblər ki, onların başına gələcək hər hansı hadisəyə görə hakimiyyət məsuliyyət daşıyır. Çünki uzun zamandır həbsxanalarda kütləvi qızdırma və boğazağrısının yayılması ilə bağlı xəbərlər yayılsa da məsuliyyətli qurumlar bunu qulaqardına vururlar”,- məlumatda deyilir.
Ədliyyə nazirinin yanında İctimai Komitənin üzvü Əhməd Abbasbəyli “Amerikanın səsi”nə bildirib ki, 2 saylı Cəzaçəkmə Müəssisəsində bu günlərdə 2-3 nəfər məhbus temperaturunun yüksək olması ilə bağlı müraciət edib.
“Tibbi müdaxilə olunub, həmin məhbuslar iyulun 19-da digər məhbuslardan izolyasiya edilib. Tibbi yardım gəstərilib və COVİD-19 testləri götürülüb. Testin nəticələri hələ bəlli deyil”,- o qeyd edib.
Ə.Abbasbəylinin sözlərinə görə, ümumilikdə cəzaçəkmə müəssisələrində məhbuslar arasında vaxtaşırı COVİD-19-a yoluxma halları aşkar edilir.
“İnfeksiyaya yoluxan məhbuslar cəzaçəkmə müəssisəsindən xüsusi ayrılmış müalicə müəssisəsində ayrıca barakda yerləşdirilir və orada müalicəsi davam etdirilir”, - o deyib.
Onun sözlərinə görə, indiyədək cəzaçəkmə müəssisələrində 13 mindən çox məhbus COVİD-19 testindən keçirilib. İyun ayında təxminən 50 məhbusda koronavirusa yoluxma müəyyən edilib.
“Xəstəlik aşkar edilən məhbusların bir çoxu, yəni cəza müddəti az qalmış qanunvericiliyin imkan verdiyi qaydada məhkəmələrin qərarı ilə vaxtından əvvəl şərti azadlığa buraxılıb. Yalnız iyul ayında 200-dən çox xəstə və xəstə olmayan məhbus şərti azadlığa buraxılıb. Ümumilikdə, mart ayından başlayaraq mindən çox məhbus məhkəmələrin qərarı ilə şərti azadlığa buraxılıb”, - İctimai Komitənin üzvü “Amerikanın səsi”nə bildirib.
Öz növbəsində, Ədliyyə Nazirliyindən hələ bununla bağlı suala cavab verilməyib. -03B-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz