Afiyyəddin Məmmədov
Bakı/02.08.23/Turan: “Demokratiya 1918” Hərəkatı yanında Həmkarlar İttifaqları Konfederasiyasının sədri Afiyəddin Məmmədov 30 gün müddətinə inzibati həbs edilib.
Bu barədə Turan-ın sorğusuna cavab olaraq Daxili İşlər Nazirliyinin mətbuat xidmətinin əməkdaşı İbrahim Əmiraslanlı məlumat verib.
Onun sözlərinə görə, Məmmədov “məhkəmə tərəfindən müəyyən edilmiş borc öhdəliklərini ödəmədiyi üçün axtarışa verilməsi ilə bağlı saxlanılıb”.
“Afiyəddin Məmmədovla bağlı toplanmış materiallar baxılması üçün məhkəməyə göndərilib. Məhkəmənin qərarı ilə o, 30 sutka inzibati həbs edilib, - DİN nümayəndəsi bildirib.
Öz növbəsində, "Demokratiya 1918" Hərəkatının rəhbəri Əhməd Məmmədli Turan-a bildirib ki, vəkil Zibeydə Sadıqovaya məhkəmə iclasının vaxtı barədə məlumat verilməyib.
“Məhkəmədə vəkilə bildiriblər ki, Məmmədovun işi baxılmaq üçün hələ daxil olmayıb, Daxili İşlər Nazirliyi isə onun artıq həbs olunduğunu bildirib”, - Məmmədli bildirib.
Ödənilməmiş borc iddiasına gəlincə, Məmmədli bildirib ki, söhbət Məmmədovun 2017-2018-ci illərdə sahibkarlıq fəaliyyəti ilə bağlı vergi borcundan gedir.
Eyni zamanda, borc öhdəliyi ilə bağlı məhkəmə qərarı 2019-cu ildə çıxarılıb və Məmmədova məlumat bu yaxınlarda verilib.
“Afiyəddin icra şöbəsinə gedib və borcun bir hissəsini ödəyib. Qalan məbləğin isə məhkəmə icraçısı ilə rəsmi razılaşmaya əsasən, hər ay hissə-hissə ödənilməsinə qərar verilib.
Buna baxmayaraq, o, həbs edilib, bu da onun təqibinin siyasi motivlərini təsdiqləyir”, - Məmmədli bildirib.
Onun sözlərinə görə, məhkəmənin qərarından apellyasiya şikayəti veriləcək.
Afiyəddin Məmmədov avqustun 1-də yol hərəkəti qaydalarına edilən dəyişikliklərlə bağlı motoskuterlərinin əlindən alınmasından narazı olduqlarını bildirən ərzaq çatdıran kuryerlərin etirazından sonra saxlanılıb.
Məmmədov “Demokratiya 1918” Hərəkatının nəzdində fəaliyyət göstərən Həmkarlar İttifaqları Konfederasiyasının rəhbəri olaraq kuryerlərin və digər fəaliyyət sahələrində çalışan işçilərin əmək hüquqlarını fəal şəkildə müdafiə edir.
“Demokratiya 1918” Hərəkatı yanında Həmkarlar İttifaqları Konfederasiyası özünü iqtidaryönlü Azərbaycan Həmkarlar İttifaqları Konfederasiyasına alternativ kimi göstərir. 06В
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz