Afiyəddin Məmmədov aclıq aksiyasına dayandırıb

Bakı/05.08.23/Turan: Avqustun 5-də inzibati həbs cəsası çəkən “Demokratiya 1918” Hərəkatının Həmkarlar İttifaqları Konfederasiyasının sədri Afiyəddin Məmmədov aclıq1aksiyasını dayandırıb.

Bu barədə Turan-a “Demokratiya 1918” Hərəkatının rəhbəri Əhməd Məmmədli məlumat verib.

"Afiəddin Məmmədov çoxsaylı xahişlərimizdən sonra nəhayət aclıq aksiyasını dayandırdı», - deyə Məmmədli bildirib.

Həmçinin o qeyd edib ki, Məmmədovun tələblərindən biri - telefonla danışmaq hüququ bərpa edilib.

Afiyəddin Məmmədov avqustun 1-də yol hərəkəti qaydalarına edilən dəyişikliklərlə bağlı motoskuterlərinin əlindən alınmasından narazı olduqlarını bildirən ərzaq çatdıran kuryerlərin etirazından sonra saxlanılıb.

Avqustun 2-də Xətai Rayon Məhkəməsinin qərarı ilə ictimai fəal, İşçi Masası Həmkarlar İttifaqları Konfederasiyasının sədri Afiəddin Məmmədov İnzibati Xətalar Məcəlləsinin (İXM) 528.1-ci (Məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilməməsi) maddəsi ilə 500 manat məbləğində cərimə olunub.

Yasamal Rayon Məhkəməsi isə onun barəsində İXM-nin 510-cu (xırda xuliqanlıq) və 535.1-ci (Polis işçisinin və ya hərbi qulluqçunun qanuni tələbinə qəsdən tabe olmama) maddələri ilə 30 sutka inzibati həbs cəzası verib. Buna etiraz olaraq o aclıq aksiyası elan edib.

*Məmmədov “Demokratiya 1918” Hərəkatının nəzdində fəaliyyət göstərən Həmkarlar İttifaqları Konfederasiyasının rəhbəri olaraq kuryerlərin və digər fəaliyyət sahələrində çalışan işçilərin əmək hüquqlarını fəal şəkildə müdafiə edir.

**“Demokratiya 1918” Hərəkatı yanında Həmkarlar İttifaqları Konfederasiyası özünü iqtidaryönlü Azərbaycan Həmkarlar İttifaqları Konfederasiyasına alternativ kimi göstərir. 06В