DİN Baş Narkotiklərlə Mübarizə İdarəsinin Qərb bölgəsində regional şöbəsinin əməkdaşları iyulun 15-də Balakən rayonunda əməliyyat keçiriblər.
DİN-in saytındakı məlumatda deyilir ki, Katex kəndində rayon sakini Akin Şabanov 315 qram marixuananı satarkən tutulub. Ertəsi gün A.Şabanova narkotik vasitəni vermiş Hənifə kənd sakini Kamil Məmmədovun saxlanılması əməliyyatı keçirilib. O, öz avtomobilini polis maşınına vuraraq qaçmağa cəhd göstərib. Lakin polis əməkdaşları K.Məmmədovun avtomobilinin təkərinə atəş açıblar. O saxlanılıb. Avtomobildən 522 qram marixuana və elektron tərəzi aşkar edilib.
Əməliyyat zamanı rayon sakini Mətləb Yusifovun yaşadığı evdə də 8,42 qram marixuana aşkar edilib.—0—
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz