Həlak olan hərbiçilərin qohumları onların Şəhidlər Xiyabanında dəfn olunmasını tələb edirlər
Bakı/26.01.21/Turan: İkinci Qarabağ müharibəsində həlak olmuş 17 hərbi qulluqçunun ailə üzvləri iki gündür hərbiçilərin Bakı ətrafındakı Qaradağ rayonunda “boş yerdə” dəfn edilməsinə etiraz edirlər. Onlar hərbiçilərin digər hərbiçilərlə birlikdə ikinci Şəhidlər Xiyabanında dəfn edilməsini tələb edirlər.
Bu gün etirazçılar dəfn olunmuş hərbiçilərin qəbirlərini açmağa çalışıblar. Mərmər plitələri qaldırdıqda yeraltı sular çıxıb, bu, həlak olanların valideynlərini daha da qəzəbləndirib. Amma polis əməkdaşları qəbirləri açmağa imkan verməyiblər.
Valideynlər bildiriblər ki, Bakının Yasamal və Nəsimi rayonlarından olan 17 hərbiçinin cəsədi ailələrinin icazəsi olmadan Qaradağ rayonunda yol kənarında dəfn edilib.
Dünən valideynlər artıq etiraz əlaməti olaraq Müdafiə Nazirliyi yaxınlığında Tbilisi prospektini və Parlament prospektini bağlayıblar.
Müdafiə Nazirliyi valideynlərin etirazları ilə bağlı şərh vermir. -030В-
Cəmiyyət
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
Rəy yaz