Фото из открытых источников
Bakı/01.08.19/Turan: Milli Təhlükəsizlik Nazirliyinin (MTN) ləğvindən sonra qurumun həbs edilmiş yüksək vəzifəli əməkdaşları Ali Məhkəməyə kassasiya şikayətləri versələr də, öz şikayətlərini geri götürməyə başlayıblar.
Avqustun 1-də MTN-in Antiterror Mərkəzinin keçmiş rəisi Elçin Quliyevin şikayətini geri götürdüyü məlum olub. Ali Məhkəmədə keçirilən iclasın əvvəlində hakim elan edib ki, Quliyev məktub göndərərək, şikayətini geri götürdüyünü bildirib, xəbəri "Azadlıq Radiosu" yayıb.
Elə bu gün Ali Məhkəmədə keçirilən digər prosesdə məlum olub ki, daha beş zabit - MTN-in transmilli cinayətkarlığa qarşı mübarizə idarəsinin keçmiş rəisi Sübahir Qurbanov, onun müavini Füzuli Əliyev, MTN-in Monitorinq Mərkəzinin keçmiş rəhbəri Teymur Quliyev, keçmiş əməliyyatçılar Natiq Əliyev və Zaur Məmmədov da şikayətini geri götürüb.
Bundan əvvəl MTN-in Nəqliyyat və Energetika Sahələrində Təhlükəsizlik İdarəsinin rəisi olmuş general Akif Çovdarov da Ali Məhkəməyə şikayətini geri götürüb. Ancaq o, sonradan yenidən Ali Məhkəməyə şikayət verib və hazırda onun işi məhkəmənin icraatındadır.
Bu arada, bu işlər üzrə bir çox zərərçəkmişlər onlara dəymiş maddi ziyanın ödənilməməsindən şikayət edirlər. Onlardan biri - Nəriman Əliyev bu gün Ali Məhkəmədə 130 min manatlıq mülki iddianın təmin edilməsini tələb edib.
İş materiallarına əsasən, MTN işçiləri sahibkarları qanunsuz olaraq saxlayır və onlardan böyük məbləğlər tələb edirdilər.
Bızi zərərçəkmişlərin mülki iddiaları təmin edilib. Amma Nəriman Əliyevin iddiasını məhkəmə təmin etməyib.
2015-ci ilin oktyabrında Eldar Mahmudov MTN rəhbəri vəzifəsindən azad edildikdən sonra idarə ləğv edilib, nazirliyin 21 əməkdaşı isə həbs edilib. -06D-
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz