Bakı/07.08.18/Turan: "Anamın ölümü məni sındırmayacaq. Həbsdən çıxdıqdan sonra korrupsiya ilə bağlı araşdırmaları davam etdirəcəm", - bloger Mehman Hüseynov bu gün anasının dəfn mərasimində deyib.
"Əgər həbsdən sağ çıxsam, ikiqat fəal olacağam. Biz öz yolumuzdan dönməyəcəyik",- o bildirib.
Blogerin qardaşı, Reportyorların Azadlıq və Təhlükəsizlik İnstitutunun (RATİ) icraçı direktoru, siyasi mühacirətdə olan Emin Hüseynov WhatsApp vasitəsilə dəfn mərasimi iştirakçılarına müraciət edib.
"Ana, həyatının son saatlarında yanında olmadığımıza görə məni və qardaşımı bağışla. Vaxt gələcək, biz sənin də dəstəklədiyin azadlıq idealları uğrunda mübarizədə qalib gələcəyik",- E.Hüseynov qeyd edib.
Dəfn mərasimində iştirak edən müxalifətçilər M.Hüseynovun ağır xəstə olan anası ilə görüşünə icazə vermədiyinə görə hakimiyyəti pisləyiblər.
"Vaxt olacaq, hər kəs öz əməlinə görə cavab verəcək. Siyasi məhbusların ailələrindən intiqam almaq olmaz", - Milli Strateji Düşüncə Mərkəzinin rəhbəri İsa Qəmbər bildirib.
AXCP lideri Əli Kərimli M.Hüseynovun ölüm ayağında olan anası ilə görüşünə icazə verilməməsini siyasi qisas adlandırıb.
"Mehman korrupsioner rejimin cinayətlərini ifşa etdiyinə görə ondan qisas alırlar", - Ə.Kərimli deyib. Hakimiyyətin bu cür hərəkəti nifrət doğurur. "Bu qədər çox sayda adamın burada iştirakı bu nifrətin artdığını göstərir", - Ə.Kərimli vurğulayıb.06D--
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz