Bakı/07.01.18/Turan: Bloger Mehman Hüseynova dəstək aksiyasının yeddi iştirakçısı Yasamal Rayon Məhkəməsi tərəfindən müxtəlif inzibati cəza tədbirlərinə məruz qalıb.
Vəziyyəti izləyən hüquq müdafəçiləri Turan-a bildiriblər ki, Monitor TV-nin jurnalisti Qoşqar Əhmədov 20 sutka, Mete Türksoy isə təşkilatçı kimi 25 sutka inzibati həbs cəzası alıb.
Orxan Məmmədov, Bəxtiyar Məmmədli və Elçin Rəhimzadə hər biri 400 manat, Yaşar Xaspoladov isə 450 manat cərimələnib.
Onlar İnzibati Xətalar Məcəlləsinin 513.1 (toplaşma qaydalarının pozulması) və 513.2-ci (toplaşma qaydalarının pozulmasında iştirak) maddələrilə təqsirli biliniblər.
Xatırladaq ki, nəzarətçiyə hücumda ittiham olunan məhbus bloger Mehman Hüseynova qarşı təzyiqlərə etiraz olaraq ötən gün Bakı Apellyasiya Məhkəməsinin qarşısında aksiya keçirilib.-B06-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz