Ağdamın “Qarabağ” futbol klubu Avropa Liqasının pley-off mərhələsinin ilk oyununda Portuqaliyanın “Braqa” komandasına 4:2 hesabı ilə inamlı qələbə qazanıb.
Fevralın 15-də yerli vaxtla axşam saatlarında Braqada baş tutan qarşılaşmada “Qarabağ”ın yarımmüdafiəçisi Marko Yankoviç 21-ci dəqiqədə penaltidən hesabı açıb.
Lakin ilk hissənin sonunda meydan sahibləri hesabı bərabərləşdiriblər.
İkinci hissədə, 54-cü dəqiqədə cərimə zərbəsindən sonra Zubir "Qarabağ"ı 2:1 önə keçirdi. 11 dəqiqə sonra Juninyo "Qarabağ"ın üçüncü qolunu vurdu. Və daha 4 dəqiqə sonra Zubir fərqi 4:1-ə çatdırıb.
90+1-ci dəqiqədə Moutinyo fərqi 2:4-ə endirib.
Ümumilikdə görüş “Qarabağ”ın böyük üstünlüyü ilə keçdi və hesab daha yüksək ola bilərdi.
Beləliklə, “Qarabağ” Bakıdakı cavab oyunu öncəsi Avropa Liqasının 1/8 final mərhələsinə yüksəlmək vəzifəsini xeyli asanlaşdırıb.
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz