Bakı/22.05.19/Turan: Azərbaycan ərazisində qeyri-sabit hava şəraiti mayın 22-dək davam edəcək, Ekologiya və Təbii Sərvətlər Nazirliyi Milli Hidrometeorologiya Departamenti bildirib.
Həmin müddətdə dağ və dağətəyi rayonlarda yağış yağacaq, bəzi yerlərdə intensiv olacaq, dolu düşəcək.
Çərşənbə axşamı Bakıda və Abşeronda gündüz hava küləkli olacaq, havanın temperaturu +20 +22 dərəcə olacaq.
Dünən axşam Azərbaycanda hava şəraiti kəskin dəyişib. Ölkə rayonlarında leysan yağıb, bəzi yerlərdə dolu düşüb, qərb küləyi güclənib.
Ən çox yağıntı Oğuzda olub 44 mm., aylıq normanın 4%-ni təşkil edib.
Kiş çayında (Şəki) yağıntının miqdarı 40 mm., Zaqatalada 33 mm., Xınalıqda 25 mm. olub.
Gəncədə cənub-qərb küləyi 34 m/s-dək güclənib, İsmayıllı- 32 m/s, Daşkəsən - 30 m/s, Ağsu - 27 m/s, Abşeron yarımadası və Abşeron dəniz ərazisində 15/20 m/s olub. -06D-
Cəmiyyət
-
Cinayət tərkibinin əlamətləri olmayan məişət zorakılığı barədə şikayətə baxılması qaydası müəyyənləşdirilib. Prezident İlham Əliyev bununla bağlı "Məişət zorakılığının qarşısının alınması haqqında" qanuna dəyişikliyi təsdiqləyib.
-
Bu gün, yanvarın 27-də Avropa Şurası Parlament Assambleyasının (AŞPA) qız sessiyası başlayır. Ötən həftə (yanvarın 21-də) bir qrup beynəlxalq insan haqları qurumları AŞPA-nı Azərbaycan nümayəndə heyətinin mandatını bərpa etməməyə, yaxud bunu "aydın" şərtlərlə etməyə çağırıb. "Azərbaycanın vətəndaş cəmiyyəti, müstəqil media və siyasi narazıların artan repressiyası Avropa Şurasının dəyərlərini pozmaqdadır. Azərbaycan beynəlxalq mexanizmlərlə israrla əməkdaşlıq etmir, sistematik insan haqları pozuntularını aradan qaldırmır", - AŞPA-ya məktubda deyilir.
-
Yanvarın 31-dək sənədlərini Səhiyyə Nazirliyinə təqdim etməyən plastik cərrahların şəhadətnamələri ləğv ediləcək. Bu barədə yanvarın 27-də Səhiyyə Nazirliyi məlumat yayıb.
-
Yanvarın 28-də Bakıda və Abşeron yarımadasında hava dəyişkən buludlu olacaq, gündüz yarımadanın bəzi yerlərində az çiskinli olacaq. Gecə və səhər bəzi yerlərdə arabir duman olacaq. Mülayim cənub-şərq küləyi əsəcək. Gecə 3-6, gündüz 7-11 dərəcə isti olacaq.
Rəy yaz