Ekspert: �Azərbaycanda saytların bloklanması düzgün həyata keçirilmir�
Bakı/09.08.18/Turan: Ötən ilin martında hələ 20 il öncə qəbul edilmiş "İnformasiya, informasiyalaşdırma və informasiyanın mühafizəsi haqqında" qanuna mühüm dəyişikliklər edilib. Düzəlişlər saytların bağlanmasına aid olub.
Düzəlişlər Nəqliyyat, Rabitə və Yüksək Texnologiyalar Nazirliyinə dövlətçilik, milli-mənəvi dəyərlər əleyhinə, ekstremizmə, terrorizmə çağırış və s. materialların dərcilə bağlı saytlara xəbərdarlıq etmək hüququ verib.
Belə yazıların əleyhinə sanksiyaların təşəbbüsçüsü kimi Baş Prokurorluq çıxış edə bilər. O, nazirliyin Elektron Təhlükəsizlik Mərkəzinə müvafiq müraciət göndərir, oradan da sayta xəbərdarlıq göndərilir. Eyni zamanda Mərkəz ciddi pozuntuların olması barədə xəbərdarlıq olmadan da saytları bloklaya bilər.
Telekommuniksiya sahəsində ekspert, Azərbaycan İnternet-Forumun prezidenti Osman Gündüz hesab edir ki, söhbət təkcə xəbərlər saytlarından getmir.
Məhdudlaşdırıcı tədbirlər pornoqrafik, erotik və digər saytlara da şamil edilə bilər.
Lakin Azərbaycanda nədənsə ancaq xəbər saytları bloklanır.
Üstəlik, bütün xəbər resursuna giriş bağlanır, halbuki, texniki baxımdan məhz "zərərli" informasiyanı məhdudlaşdırmaq mümkündür.
O.Gündüz qeyd edib ki, bloklanmış sayta daxil olmaq istərkən həmin resursun bağlanması haqda qərar və səbəblərə dair bilgi görünməlidir. Hüquqi dövlətlərdə belədir.
Qanunvericilik Rabitə Nazirliyindən bloklanmış saytların siyahısını tələb edir ki, istifadəçilər bunun səbəbləri barədə məlumat əldə edə bilsinlər və bu qərarın düzgün olub-olmaması ilə bağlı özləri fikir yürütsünlər.
Hələlik bu məsələ öz həllini tapmayıb. Eyni zamanda saytların bloklanması məhkəmənin qərarı ilə həyata keçirilməlidir və yalnız zəruri hallarda.
Avqustun 7-8-də 4 saytın bloklanması ilə bağlı son olaylar bütün bunlara zidd olaraq həyata keçirilib, ekspert qeyd edib.-0--
-
- Cəmiyyət
- 9 Avqust 2018 18:26
Çətin sual
-
İmişlidə yol-patrul xidməti əməkdaşının iki azyaşlının ölümü, ikisinin isə ağır yaralanmasıyla nəticələnən qəza törətməsi, ardınca rayondakı etirazlarla bağlı sosial şəbəkələrdə paylaşım edən şəxslərin polislər tərəfindən təqib və təzyiqlərə məruz qalması ilə bağlı müstəqil siyasətçi Asif Yusifli Kamran Mahmudovun təqdimatında yayımlanan “Çətin sual” verilişində danışır.
-
Ermənistan- ABŞ, Rusiya -İran strateji tərəfdaşlığı regiona nə vəd edir? – Şahin Cəfərli Çətin sualda
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı.
-
Keçmiş diplomat, siyasi şərhçi Nahid Cəfərov Azərbaycanın xarici siyasəti barədə Kamran Mahmudovun təqdimatında yayımlanan “Çətin sual” verilişində danışır.
Rəy yaz