ABŞ dövlət katibi Novruz münasibətilə təbrik edib

Bakı/26.03.19/Turan: ABŞ dövlət katibi Mayk Pompeo "İran xalqını və baharın və Yeni İlin gəlişini təcəssüm etdirən bu qədim ənənəni qeyd edən hamını, o cümlədən Əfqanıstan, Azərbaycan, Çin, Gürcüstan, Hindistan, İraq, Qazaxıstan, Qırğızıstan, Pakistan, Rusiya, Suriya, Tacikistan, Türkiyə, Türkmənistan, Özbəkistan sakinlərini, kürdləri və onların Birləşmiş Ştatlardakı icmalarını" Novruz münasibətilə təbrik edib.

"Minillər ərzində Novruz bir çox xalqlar və cəmiyyətlər üçün mədəniyyət və irsin təməl daşıdır. Novruz ailə üzvlərinin və dostların yığışıb keçmiş haqqında düşünməsinə, gələcəyi qeyd etməsinə imkan verir, bu, həmçinin nə qədər uzaqda olursa olsun, yaxın insanlarla ünsiyyət zamanıdır. Bu il Novruzu qeyd edən İranlıların sosial şəbəkə saytlarına qeyri-məhdud çıxışı olmalıdır ki, bayram tədbirlərindən fotoşəkillər paylaşsınlar və başqa şəhərlərdə və ya xaricdə yaşayan yaxınlarına bayram təbrikləri göndərsinlər. Məğrur İran xalqı repressiyalardan qorxmadan daha yaxşı həyat yaşamaq imkanına layiqdir. Qoy bu Novruz hamı üçün yeni təşəbbüslər və işıqlı gələcək gətirsin! Novruzunuz mübarək!", deyə dövlət katibinin müraciətində qeyd edilir. -0-