Bu aydan etibarən gömrük sisteminin büdcədənkənar inkişaf fonduna daxil olan vəsaitin 25 faizi yox, 50%-i xüsusi rütbəsi olan əməkdaşların və mülki işçilərin aylıq vəzifə maaşlarına əlavə ediləcək. Prezident İlham Əliyev müvafiq fərmanı fevralın 29-da imzalayıb.
Gömrük Sisteminin İnkişafı Fondu 1997-ci ildə yaradılıb. Onun mənbəyi (http://www.e-qanun.az/framework/4176) qeyri-kommersiya yükləri üzrə kommersiya yığımı; qaçaqmalçılıq və gömrük qaydalarının pozulması yolu ilə keçirildiyi üçün müsadirə edilən malların satışından əldə edilən vəsait; müsadirə edilən valyuta və s-dir.
Müşahidəçilərin fikrincə, tarif əmək haqqı və əlavədən başqa, gömrükçülər bu ilin əvvəlinə kimi həcmi vəzifəsindən asılı olan «pul zərfi» də alıb. «Pul zərfi»nin mənbəyi xarici iqtisadi əlaqələrin iştirakçılarından toplanan rüşvətdir. İnhisarçılıq və korrupsiya ilə mübarizə çərçivəsində bu vəsaitin verilməsi dayandırılıb.
Qanunvericiliyə zidd olaraq, DGK büdcədənkənar inkişaf fondunun mədaxili və vəsaitlərin xərclənmə istiqaməti barədə hesabatı açıqlamır. 08D
İqtisadiyyat
-
Ötən il Azərbaycanın ixracı kəskin azalıb. 2024-cü ildə ölkənin ixracı 26 milyard 554 milyon 56 min, idxalı 21 milyard 58 milyon 44 min ABŞ dolları olub. Müsbət saldo 5 milyard 496 milyon 12 min ABŞ dolları təşkil edib. Bu barədə Dövlət Gömrük Komitəsinin (DGK) məlumatında bildirilir.
-
“Şəfəq” Günəş Elektrik Stansiyasının (GES) tikintisi ilə bağlı texniki-iqtisadi əsaslandırmaya əsaslanan yekun investisiya qərarının (FID) 2025-ci ildə qəbul edilməsi gözlənilir. Bu barədə BP-nin Xəzər regionu üzrə vitse-prezidenti Bəxtiyar Aslanbəyli cümə günü jurnalistlərə bildirib.
-
BP Plc 2025-ci ilin sonuna qədər Azəri-Çıraq-Günəşli (AÇQ) blokunun dərin qaz yataqlarından qaz hasilatına başlamağı planlaşdırır, BP-Azərbaycanın mətbuat xidmətinin rəhbəri Tamam Bayatlı jurnalistlərə bildirib.
-
Azərbaycanın İRİA (İnnovasiya və Rəqəmsal İnkişaf Agentliyi) və İsrailin Israel Aerospace Industries (IAI) şirkəti Anlaşma Memorandumu (MoU) imzalayıblar. Saziş iki ölkə arasında iqtisadi, sənaye, elmi və texnoloji əməkdaşlığın dərinləşdirilməsinə yönəlib.
Rəy yaz