Maliyyə Nazirliyinin Dövlət Sığorta Nəzarəti Xidməti (DSNX) xarici sığorta, təkrarsığorta və broker şirkətlərinin reyestrini genişləndirib.
Belə ki, Britaniyanın 2 şirkəti: “Arch İnsurance Company (Europe) Limited” və “QBE RE (Europe) Limited” xarici sığorta və təkrarsığorta şirkətlərinin reyestrinə daxil edilib və reyestrə daxil edilmiş xarici sığorta və təkrarsığorta şirkətlərinin ümumi sayı 161-ə çatıb.
Bundan başqa, “Direct İnsurance London Market” (Böyük Britaniya) xarici broker şirkətlərinin reyestrinə daxil edilib.
Beləliklə, reyestrə daxil edilmiş broker şirkətlərinin sayı 79-a çatıb.
Dövlət Sığorta Nəzarəti Xidmətinin reyestri “Sığorta fəaliyyəti haqqında” qanuna əsasən yaradılıb. “Sığorta fəaliyyəti haqqında” qanuna əsasən, sığorta, təkrarsığorta və broker şirkətlərinin reyestrinə yüksək reytinqli strukturlar daxil edilməlidir ki, Azərbaycan sığortaçıları onların vasitəsi ilə sığorta və təkrarsığorta əməliyyatları keçirə bilsin. --17D—
İqtisadiyyat
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
-
Azərbaycan Dəmir Yolları (ADY) Bakıdan 45 kilometr şərqdə yerləşən Zira Limanından tranzit dəmir yolu yük daşımalarını işə salıb və bununla da ölkənin Orta Dəhlizdə logistika mərkəzi kimi mövqeyini gücləndirib.
-
Azərbaycanın dövlətə məxsus elektrik enerjisi istehsalçısı olan Azərenerji, ölkənin bərpa olunan enerji potensialını genişləndirmək məqsədilə Kəlbəcər və Laçın rayonlarında altı su elektrik stansiyasının (SES) tikintisini irəlilətməkdədir. Şirkətin məlumatına görə, ümumi gücü 37,5 meqavat (MVt) olan bu stansiyaların 2025-ci ilin birinci yarısında istismara verilməsi planlaşdırılır.
Rəy yaz