Bakı Fond Birjası yanvardan qiymətli kağızların dövriyyəsinin hesabatlılığına yenidən baxıb, oraya törəmə maliyyə alətləri bazrının birja əməliyyatlarını əlavə edib.
BFB-nin hesabatına əsasən, QK-ların birja dövriyyəsi yanvarda 1 mlrd 933,5 mln manat olub. Ötən ilin yanvarında BFB bu maliyyə alətləri ilə ticarət etmirdi (onların ticarəti 2014-cü ilin avqustundan başlayıb). O vaxt QK dövriyyəsi 1 mlrd 483,1 mln manat olub. Qeyd edək ki, yanvarda FOREX və BFB-nın valyuta və əmtəə dövriyyəsi 1 mlrd 575 mln manata çatıb. Ötən ay Maliyyə Nazirliyi və Mərkəzi Bank ilkin dövlət QK bazarında iştirak etməyiblər. Korporativ bazarda BFB vasitəsilə səhmlərin yerləşdirilməsi 18,6 mln manat təşkil edib. İpoteka Fondu 3%-lə 3 mln manat istiqraz yerləşdirib. Təkrar bazar həcmi isə 252 mln manat olub. Korporativ istiqraz bazarından 40 mln manat digər emitentlərin payına düşüb. “Unibank” yanvarda istiqrazlar vasitəsilə 10 mln manat (illik 9,75%) cəlb edib. 08B
İqtisadiyyat
-
Qazaxıstanın büdcə aviaşirkəti FlyArystan yay mövsümündən əvvəl Bakı-Astana-Bakı marşrutu üzrə aviabilet satışına başlayıb, şirkətin mətbuat xidməti bazar ertəsi bildirib.
-
Fevral ayının sonunda Pakistan və Azərbaycan hökumətlərinin 2 milyard dollarlıq sərmayə müqaviləsi imzalaması gözlənilir ki, bu müqaviləyə SOCAR (Azərbaycan Dövlət Neft Şirkəti) ilə bir neçə layihə də daxil olacaq. Turan informasiya agentliyinin verdiyi məlumata görə, yanvar ayında İslamabad və Bakıda müzakirə olunan enerji əməkdaşlığı layihələri müqavilədə yer alacaq. Bu layihələr arasında enerji səmərəliliyi təşəbbüsləri, boru kəmərinin tikintisi və SOCAR-ın Pakistanda yeraltı qaz anbarlarının yaradılması layihələrini araşdırmaq niyyəti yer alır. Həmçinin, Pakistan tərəfindən ölkədəki neft-qaz yataqlarının kəşfiyyatı və hasilatı ilə bağlı təqdim olunan sənədlər də bu müqaviləyə daxil olacaq.
-
Azərbaycan, içməli və suvarma su təchizatlarını təsir edən kəskin su qıtlığı ilə üzləşməyə davam edir. Bu problem, tez-tez mətbuatın diqqətində olmasına baxmayaraq, hələ də həll edilməyib. Xüsusilə fermerlər bu vəziyyətdən ciddi təsirlənirlər.
-
Azərbaycanın Dövlət Vergi Xidmətinin (DVX) nümayəndələri Alman-Azərbaycan Xarici Ticarət Palatası tərəfindən təşkil edilən vergi, gömrük və hüquqi məsələlər üzrə işçi qrupunun növbəti iclasında iştirak ediblər.
Rəy yaz