Bakı/02.11.17/Turan: Avropa İttifaqının (Aİ) Azərbaycandakı nümayəndəliyi mədəni tədbirlərin qonaqları və jurnalistlər üçün "IMAGINE" Avropa tolerantlıq festivalı, həmçinin Avropa filmləri festivalı haqqında müsabiqə elan edib.
Qonaqlar üçün inşa "IMAGINE Avropa Tolerantlıq Festivalı və Avropa Film Festivalı tolerantlıq və ya mədəni müxtəliflik barədə mənim təəssuratlarımı necə dəyişdi" adlanır.
İnşa ingilis dilində yazılmalı və maksimum 350 sözdən ibarət olmalıdır.
Jurnalistlər üçün Avropa film festivalı barədə nəşr olunan ən yaxşı mətbuat işı müsabiqəsi keçiriləcək.
Inşa və məqalələr 30 noyabr 2017-ci ilədək "İnşa müsabiqəsi" və "Jurnalistlər üçün müsabiqə" adı ilə DELEGATION-AZERBAIJAN@eeas.europa.eu elektron poçtuna göndərilməlidir.
Qaliblər 2018-ci ilin fevralında Berlin film festivalına dəvət olunacaqlar.
Uçuş bileti, yaşayış xərcləri və gündəlik xərclər, eləcə də festivala biletlər Aİ nümayəndəliyi tərəfindən ödəniləcək.
Avropa film festivalı 2-12 noyabr tarixlərində Bakıda keçiriləcək. Festival çərçivəsində 21 film nümayiş etdiriləcək. Filmlərin nümayişi Park Cinema kinoteatrlar şəbəkəsində olacaq, giriş pulsuzdur.-71D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz