Apellyasiya məhkəməsi Vüqar Səfərlini həbsdə saxlayıb

Bakı/26.01.21/Turan: Bakı Apellyasiya Məhkəməsi (BAM) KİV-in İnkişafına Dövlət Dəstəyi Fondunun icraçı direktoru Vüqar Səfərlinin qətimkan tədbirinin ev dustaqlığı ilə əvəz edilməsindən imtina ilə bağlı şikayətini təmin etməyib.

BAM Səfərlinin ev dustaqlığına keçirilməsi barədə xahişini təmin etməyən Binəqədi rayon məhkəməsinin qərarını qüvvədə saxlayıb.

* Yanvarın 14-də məhkəmə Səfərli barəsində həbs qətimkan tədbiri seçib. Ona qarşı CM-in 179.4 (xüsusilə böyük ölçüdə mənimsəmə), 193-1.3.2 (qanunsuz yolla əldə edilmiş xüsusilə böyük ölçüdə vəsaitin leqallaşdırılması), 308.2 (vəzifə səlahiyyətlərindən sui-istifadə, ağır nəticələrə səbəb olduqda), 313-cü (vəzifə saxtakarlığı) maddələri ilə ittiham irəli sürülüb. Bu maddələr üzrə onu 14 ilə qədər azadlıqdan məhrumetmə cəzası gözləyir.

Qeyd edək ki, Səfərli prezidentin keçmiş köməkçisi Əli Həsənovun əlaltısı və ən yaxın adamı idi.

Səfərli 2020-ci ilin aprelində, Əli Həsənov isə 2019-cu ilin noyabrında vəzifədən azad edilib. -02D-