Bakı/13.05.19/Turan: "Baş Prokurorluq mənə xəbərdarlıq edib və mən buna görə məhkəməyə vermək niyyətindəyəm". Bunu AzadlıqRadiosuna mayın 13-ü hüquq müdafiəçisi Oqtay Gülalıyev bildirib.
Mayın 13-ü hüquq müdafiəçisi Oqtay Gülalıyev səbəb izah edilmədən Baş Prokurorluğa dəvət olunub.
Hüquq müdsfiəçisi bildirib ki, prokurorluqda 3 saata yaxın olub və onu Baş Prokurorun birinci müavini Rüstəm Usubov qəbul edib. "Mənə bildirilib ki, işgəncələrlə bağlı yazılarımda vətəndaş itaətsizliyə çağırış var və mən işgəncələrlə bağlı məlumatları yaymağa davam etsəm mənə qarşı cinayət işini açacaqlar. Təəssüflər ki, işgəncə faktları ictimailəşdirdiyimə görə insanlara işgəncə verən şəxslərin əməllərini araşdırmaq əvəzinə mənə xəbərdarlıq ediblər".
Xəbərdarlıqla razılaşmayan hüquq müdafiəçisi onu absurd adlandırdı və Respublika Prokurorluğunu ölkədə baş verən işgəncələr faktlarını araşdırmağa və bunu törədən vəzifəli şəxslərlə bağlı ölçü götürməyi çağırıb.
Baş Prokurorluq isə məlumat yayaraq bildirib ki, Baş Prokurorluqda aparılmış araşdırmalarla özünü "hüquq müdafiəçisi" adlandıran Oqtay Gülalıyevin "Facebook" sosial şəbəkəsində özünə məxsus səhifə vasitəsilə qəsdən və qərəzli şəkildə həqiqəti əks etdirməyən məlumatları yaymaqla ölkəmizdə bərqərar olmuş ictimai-siyasi sabitliyin pozulmasına yönələn, eləcə də cinayətkarlığa qarşı mübarizə sahəsində hüquq mühafizə orqanları tərəfindən həyata keçirilən tədbirlərin üzərinə kölgə salmağa xidmət edən hərəkətlərə yol verməsi müəyyən edilib.
Qeyd edilənlərlə əlaqədar O.Gülalıyev Baş Prokurorluğa dəvət edilərək "Prokurorluq haqqında" Azərbaycan Respublikası Qanununun tələblərinə müvafiq olaraq aidiyyəti dövlət orqanları ilə dəqiqləşdirmə aparmadan, real faktlara əsaslanmayan və ictimai rəyi çaşdırmaq məqsədi güdən həmin məlumatların yayılmasını gələcəkdə davam etdirəcəyi təqdirdə barəsində cinayət məsuliyyəti də daxil olmaqla, qanunvericilikdə nəzərdə tutulmuş daha ciddi tədbirlər görüləcəyi barədə rəsmi xəbərdarlıq edilib.--0--
Cəmiyyət
-
Bakıda keçirilən (11-22 noyabr) BMT İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasından (COP29) sonra Azərbaycanda bələdiyyə seçkilərinin vaxtının açıqlanacağı gözlənir. Mərkəzi Seçki Komissiyasının (MSK) sədri Məzahir Pənahov bugünlərdə bildirib ki, bələdiyyə seçkiləri yanvarın 25-dən sonra keçiriləcək.
-
Çərşənbə axşamı Bakıda hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi proqnozlaşdırılır. Gecə və səhər bəzi yerlərdə yağış yağacağı gözlənilir. Gecə yarımadanın ayrı-ayrı yerlərində qısamüddətli intensivləşəcəyi ehtimalı var. Cənub-qərb küləyi axşam şimal-qərb küləyi ilə əvəz olunacaq.
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
Rəy yaz