Bakı/26.12.18/Turan: Azərbaycan prezidenti İlham Əliyevin 21 dekabr tarixli son sərəncamları ilə 200-dən çox hakim təyin edilib. Beləliklə, mövcud vakansiyalar, demək olar ki, tamamilə dolub və hakim korpusu yeni nəsil hüquqşünaslarla əvəz olunub. Bu barədə ədliyyə naziri Fikrət Məmmədov dünən Sumqayıtda keçirilən müşavirədə bildirib.
Onun sözlərinə görə, hakimlərinin sayının artması ilə onların yükü xeyli azalıb, işə daha keyfiyyətli baxılması üçün şərait yaradılır.
Eyni zamanda, nazir qeyd edib ki, son illər kobud qanun pozuntusuna görə 120 hakim məhkəmə sistemindən kənarlaşdırılıb.
34 hakim intizam məsuliyyətinə cəlb edilib, o cümlədən 8 hakimin səlahiyyətlərinə vaxtından əvvəl xitam verilib, 11 nəfərin vəzifəsi kiçildilib, bu barədə Ədliyyə Nazirliyinin mətbuat xidmətinin məlumatında deyilir.
Müşavirədə məhkəmə qərarlarının ədalətliliyinin təmin edilməsi, məhkəmələrin işinin şəffaflığının artırılması zərurəti, korrupsiyanın yolverilməz olduğu qeyd edilib.
Ümumilikdə Azərbaycan məhkəmələrində 600 ştat vahidi hakim var. -06D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz